ബെംഗളൂരു: ഗുജറാത്ത് ആസ്ഥാനമായുള്ള പാലുൽപ്പന്ന ബ്രാൻഡായ അമൂലിന് ബെംഗളൂരുവിലെ 10 മെട്രോ സ്റ്റേഷനുകളിൽ കിയോസ്ക്കുകൾ തുറക്കാൻ അനുമതി നൽകിയതില് വിമര്ശനം ഉയര്ന്നതോടെ മെട്രോ സ്റ്റേഷനുകളിൽ നന്ദിനി ഔട്ട്ലെറ്റുകൾ കൂടി സ്ഥാപിക്കുന്നതിനുള്ള നടപടികൾ ആരംഭിക്കാൻ നിര്ദേശം നല്കി ഉപമുഖ്യമന്ത്രി ഡി കെ ശിവകുമാർ. കര്ണാടകയുടെ സ്വന്തം ബ്രാൻഡായ നന്ദിനിയെക്കാൾ സംസ്ഥാന സർക്കാർ അമുലിനെ അനുകൂലിക്കുന്നുവെന്ന് ആരോപിച്ച് നിരവധി സംഘടനകൾ വിമർശനം ഉന്നയിച്ചതിനെ തുടർന്നാണ് ശിവകുമാറിന്റെ ഇടപെടല്.
“എട്ട് മെട്രോ സ്റ്റേഷനുകളിൽ നന്ദിനി ഔട്ട്ലെറ്റുകൾ തുറക്കുന്നതിന് ബിഎംആർസിഎല്ലിന് അപേക്ഷ സമർപ്പിക്കാൻ കർണാടക മിൽക്ക് ഫെഡറേഷന് (കെഎംഎഫ്) നിർദ്ദേശം നൽകിയതായി ഡി കെ ശിവകുമാർ പറഞ്ഞു. കിയോസ്ക്കുകൾ സ്ഥാപിക്കുന്നതിനായി ബിഎംആർസിഎൽ നേരത്തെ ടെൻഡർ ക്ഷണിച്ചിരുന്നു. എന്നാല് അമുൽ മാത്രമാണ് അപേക്ഷ നല്കിയത്. കെഎംഎഫിനോട് അപേക്ഷ നല്കാന് ഞങ്ങൾ നിർദ്ദേശിച്ചിട്ടുണ്ട്. എട്ട് മെട്രോ സ്റ്റേഷനുകളിൽ നന്ദിനി ഔട്ട്ലെറ്റുകൾ കെഎംഎഫ് തുറക്കും.
“അമുൽ ഇതിനകം രണ്ട് സ്റ്റേഷനുകളിൽ ഔട്ട്ലെറ്റുകൾ തുറന്നിട്ടുണ്ട്. നിലവിലുള്ളവ അടച്ചുപൂട്ടുന്നത് ഉചിതമല്ല. “ശേഷിക്കുന്ന സ്റ്റേഷനുകളിൽ നന്ദിനി ഔട്ട്ലെറ്റുകൾ അനുവദിക്കാൻ ഞങ്ങൾ ബിഎംആർസിഎല്ലിനോട് ആവശ്യപ്പെട്ടിട്ടുണ്ട്,” ഉപമുഖ്യമന്ത്രി പറഞ്ഞു.
ബെന്നിഗനഹള്ളി, ബയപ്പനഹള്ളി മെട്രോ സ്റ്റേഷനുകളിൽ നിലവിൽ അമുൽ കിയോസ്ക്കുകൾ പ്രവർത്തിക്കുന്നുണ്ട്. പട്ടണ്ടൂർ അഗ്രഹാര, ഇന്ദിരാനഗർ, ട്രിനിറ്റി സർക്കിൾ, സർ എം വിശ്വേശ്വരയ്യ, ജയനഗര, മജസ്റ്റിക്, നാഷണൽ കോളേജ്, ബനശങ്കരി എന്നി സ്റ്റേഷനുകളിൽ അമുല് കിയോസ്ക്കുകൾക്ക് ബിഎംആർസിഎല് അനുമതി നല്കിയിട്ടുണ്ട്.
എംജി റോഡ്, മഹാലക്ഷ്മി, വിജയനഗർ സ്റ്റേഷനുകളിൽ നേരത്തെ നന്ദിനി ഔട്ട്ലെറ്റുകൾ തുറന്നിരുന്നു. ഇതില് വിജയനഗർ ഔട്ട്ലെറ്റ് മാത്രമേ ഇപ്പോള് പ്രവര്ത്തിക്കുന്നുഉള്ളു. 2023 ലെ നിയമസഭാ തെരഞ്ഞെടുപ്പിൽ കോൺഗ്രസിന്റെ പ്രചാരണ ആയുധങ്ങളിൽ ഒന്നായിരുന്നു നന്ദിനി ബ്രാൻഡ്. കർണാടക മിൽക്ക് ഫെഡറേഷൻ (കെഎംഎഫ്) ‘നന്ദിനി’ ബ്രാൻഡിലാണ് പാലുൽപ്പന്നങ്ങൾ വിപണനം ചെയ്യുന്നത്.
SUMMARY: Criticism after Amul kiosks were allowed in metro stations; Minister DK Shivakumar says he has directed to open Nandini outlets as well
പാലക്കാട്: ഒറ്റപ്പാലം മനിശ്ശീരി വരിക്കാശ്ശേരി മനയ്ക്കു സമീപം നിയന്ത്രണം വിട്ട ടൂറിസ്റ്റ് ബസ് തോട്ടിലേക്ക് മറിഞ്ഞു. വിനോദയാത്രികരായ 25 പേരും…
ബെംഗളൂരു: കേരളസമാജം കർണാടകയുടെ റിപ്പബ്ലിക് ദിനാഘോഷവും സൗജന്യ മെഡിക്കൽ ക്യാമ്പും ജനുവരി 26ന് യെലഹങ്ക ദ്വാരക നഗറിലുള്ള ഗവൺമെന്റ് എൽ.പി.…
ചെന്നൈ: കരൂർ ദുരന്തവുമായി ബന്ധപ്പെട്ട് വിജയ്യുടെ പ്രചാരണ വാഹനം കസ്റ്റഡിയിലെടുത്ത് സിബിഐ. പനയൂരിലെ വീട്ടില് നിന്നാണ് വാഹനം കസ്റ്റഡിയില് എടുത്തത്.…
തിരുവനന്തപുരം: ജമാഅത്തെ ഇസ്ലാമി അയച്ച വക്കീല് നോട്ടീസിന് മറുപടിയുമായി സി.പി.ഐ.എം കേന്ദ്രകമ്മിറ്റി അംഗം എ.കെ ബാലൻ. തനിക്ക് മാപ്പ് പറയാൻ…
ലഖ്നൗ: അയോധ്യയിലെ രാമക്ഷേത്രത്തിന് ചുറ്റുമുള്ള 15 കിലോമീറ്റർ പരിധിയില് മാംസാഹാര വിതരണം നിരോധിച്ചുകൊണ്ട് അയോധ്യ ഭരണകൂടം ഉത്തരവിറക്കി. 'പഞ്ചകോശി പരിക്രമ'…
കണ്ണൂര്: പിതാവിന് കൂട്ടിരിക്കാന് വന്ന യുവാവ് ആശുപത്രി കെട്ടിടത്തില് നിന്ന് ചാടി ജീവനൊടുക്കി. ശ്രീകണ്ഠാപുരം കാഞ്ഞിലേരി ആലക്കുന്നിലെ പുതുപ്പള്ളിഞ്ഞാലില് തോമസ്-ത്രേസ്യാമ്മ…