നടി രമ്യക്കുനേരേ സൈബർ ആക്രമണം; രണ്ടുപേർകൂടി അറസ്റ്റിൽ

ബെംഗളൂരു: നടിയും കോൺഗ്രസ് മുൻ എംപിയുമായ രമ്യക്കെതിരെ സാമൂഹിക മാധ്യമങ്ങളിലൂടെ അധിക്ഷേപവും ഭീഷണിയും നിറഞ്ഞ സന്ദേശങ്ങൾ പ്രചരിച്ച സംഭവത്തില്‍ രണ്ടുപേർകൂടി അറസ്റ്റിലായി. ഉഡുപ്പി സ്വദേശികളായ സുജൻ, ആദർശ് എന്നിവരെയാണ് സിസിബി പോലീസ് പിടികൂടിയത്.

രേണുകാസ്വാമി കൊലക്കേസ് പ്രതിയായ ദർശന് ജാമ്യം അനുവദിച്ചതിനെക്കുറിച്ചുള്ള സുപ്രീം കോടതിയുടെ വിമർശനം രമ്യ പങ്കുവെച്ചതിന് പിന്നാലെയാണ് സൈബർ ആക്രമണം ഉണ്ടായത്. കേസില്‍ പ്രധാന പ്രതിയായ ബെംഗളൂരു കെ.ആർ. പുരം സ്വദേശി പ്രമോദ് ഗൗഡ അടക്കം ഏഴുപേർ  ഇതുവരെ അറസ്റ്റിലായിട്ടുണ്ട്.

രമ്യയെ അധിക്ഷേപിച്ചവരുടെപേരിൽ കേസെടുക്കണമെന്ന് സംസ്ഥാന വനിതാ കമ്മിഷൻ ആവശ്യപ്പെട്ടിരുന്നു. സിനിമാപ്രവർത്തകരുടെ സംഘടനയും രംഗത്തെത്തിയിരുന്നു. തുടർന്ന് രമ്യ സിറ്റി പോലീസ് കമ്മിഷണർക്ക് നൽകിയ പരാതിയിലാണ് നടപടിയുണ്ടായത്.
SUMMARY: Cyber attack on actress Ramya; Two more people were arrested