ബെംഗളൂരു: സ്വർണക്കടത്ത് കേസിൽ അറസ്റ്റിലായ നടി രന്യ റാവുവിന്റെ വളർത്തച്ഛൻ ഡിജിപി രാമചന്ദ്രൻ റാവു നിർബന്ധിത അവധിയിൽ പ്രവേശിച്ചു. കര്ണാടക സ്റ്റേറ്റ് പോലീസ് ഹൗസിംഗ് കോര്പ്പറേഷന് ഡിജിപിയാണ് അദ്ദേഹം. സർക്കാർ ഉത്തരവ് പ്രകാരമാണ് അദ്ദേഹം അവധിയിൽ പ്രവേശിച്ചത്.
നടിയുടെ രണ്ടാനച്ചൻ ഉന്നത പോലീസ് ഉദ്യോഗസ്ഥനായതിനാൽ കേസ് അന്വേഷണത്തിൽ പക്ഷപാതിത്വം ഉണ്ടാകാൻ സാധ്യതയുണ്ടെന്ന ആരോപണങ്ങൾ ഉയർന്നതോടെയാണ് രാമചന്ദ്ര റാവുവിനെതിരെ നടപടിയെടുക്കാൻ സർക്കാർ നിർബന്ധിതമായത്. മാർച്ച് ആദ്യവാരം 14.8 കിലോഗ്രാം സ്വര്ണവുമായാണ് ബെംഗളൂരു വിമാനത്താവളത്തില് വച്ച് വിദേശത്ത് നിന്നെത്തിയ രന്യ റാവുവിനെ അറസ്റ്റ് ചെയ്തത്. സുരക്ഷാ പരിശോധനകള് ഒഴിവാക്കാന് രന്യ ഔദ്യോഗിക ബന്ധങ്ങള് ഉപയോഗിച്ചതായി പ്രാഥമിക അന്വേഷണത്തിൽ കണ്ടെത്തിയിരുന്നു. കര്ണാടക ഡിജിപിയുടെ മകളാണെന്ന് സ്വയം പരിചയപ്പെടുത്തിയാണ് രന്യ എസ്കോര്ട്ടിനായി ലോക്കൽ പോലീസിനെ സമീപിച്ചിരുന്നത്.
TAGS: KARNATAKA
SUMMARY: DGP Ramachandra rao enters into compulsory leave
