തിരുവനന്തപുരം: സംസ്ഥാനത്തെ മണ്ണെണ്ണ വിതരണവുമായി ബന്ധപ്പെട്ട പ്രശ്നങ്ങള് അവസാനിച്ചെന്ന് ഭക്ഷ്യപൊതുവിതരണ വകുപ്പ് മന്ത്രി ജി ആര് അനില്. മണ്ണെണ്ണ വിതരണവുമായി ബന്ധപ്പെട്ട ചില ആശങ്കകള് നിലനിന്നിരുന്നുവെന്നും ഈ ആശങ്കകള് എല്ലാം അവസാനിപ്പിച്ചു മന്ത്രി മാധ്യമങ്ങളോട് സംസാരിക്കവേ വ്യക്തമാക്കി.
നാളെ മുതൽ മണ്ണെണ്ണ വിതരണം ആരംഭിക്കും. റേഷൻ പ്രതിനിധികളുമായി ചർച്ച നടത്തിയതായും മന്ത്രി അറിയിച്ചു. കഴിഞ്ഞ കുറേ വർഷങ്ങളായി സംസ്ഥാനത്തിനുള്ള മണ്ണെണ്ണയിൽ കേന്ദ്രം കുറവു വരുത്തുകയാണെന്ന് ജി.ആർ. അനിൽ പറഞ്ഞു. മണ്ണെണ്ണ വിഹിതത്തിലെ കുറവുമൂലം മൊത്ത വ്യാപാര ഡിപ്പോകൾ പലതും ഒരു വർഷത്തിലധികമായി പ്രവർത്തന രഹിതമായിരുന്നു.
ഒരു ലിറ്റര് മണ്ണെണ്ണയ്ക്ക് 61 രൂപയാണ്. 5,676 കിലോ ലിറ്റര് മണ്ണെണ്ണ ഈ വര്ഷത്തെ ആദ്യ പാദത്തിലേക്ക് അനുവദിച്ചിട്ടുണ്ട്. വൈദ്യുതി ഇല്ലാത്ത കുടുംബങ്ങള്ക്ക് ആറ് ലിറ്റര് മണ്ണെണ്ണയും എഎവൈ കാര്ഡുകാര്ക്ക് ഒരു ലിറ്ററും ലഭിക്കും. മറ്റ് കാര്ഡുകാര്ക്ക് അര ലിറ്റര് വീതവുമാണ് മണ്ണെണ്ണ ലഭിക്കുക.
SUMMARY: Distribution of ration kerosene from tomorrow, six liters to families without electricity
WhatsApp
Telegram
