ഡൽഹി: രാജ്യത്തെ തെരുവുനായ പ്രശ്നം രൂക്ഷമായ സാഹചര്യത്തില് സുപ്രീം കോടതി സുപ്രധാനമായ ഇടക്കാല ഉത്തരവ് പുറപ്പെടുവിച്ചു. ദേശീയപാതയടക്കമുള്ള റോഡുകളില് നിന്നും പൊതുഇടങ്ങളില് നിന്നും തെരുവുനായ്ക്കളെ നീക്കണമെന്നും, ഇവയെ നിരീക്ഷിക്കുന്നതിനായി പട്രോളിങ് സംഘത്തെ നിയോഗിക്കണമെന്നുമാണ് കോടതിയുടെ പ്രധാന നിർദ്ദേശം.
കന്നുകാലികള്, നായ്ക്കള് എന്നിവയടക്കമുള്ള മൃഗങ്ങളെ റോഡുകളില് നിന്ന് സുരക്ഷിത കേന്ദ്രങ്ങളിലേക്ക് മാറ്റാൻ സംസ്ഥാന സർക്കാരുകളും ദേശീയപാത അതോറിറ്റികളും അടിയന്തിര നടപടി സ്വീകരിക്കണം. വിദ്യാഭ്യാസ സ്ഥാപനങ്ങളിലടക്കം നായകള് പ്രവേശിക്കാതിരിക്കാൻ വേണ്ടിയുള്ള നടപടികള് സ്വീകരിക്കണം. സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും ചീഫ് സെക്രട്ടറിമാർ ഇത് കർശനമായി പാലിക്കുന്നുണ്ടെന്ന് ഉറപ്പുവരുത്തണമെന്നും കോടതി നിര്ദേശിച്ചു.
അല്ലാത്തപക്ഷം ഉദ്യോഗസ്ഥർ ഉത്തരവാദികള് ആയിരിക്കും. നിർദേശങ്ങള് നടപ്പിലാക്കുന്നതിനായുള്ള പദ്ധതികള് വിശദീകരിച്ച് തല്സ്ഥിതി റിപ്പോർട്ട് 8 ആഴ്ചയ്ക്കുള്ളില് സമർപ്പിക്കണം. നായകള് പ്രവേശിക്കാതിരിക്കാൻ വേണ്ടിയുള്ള ഫെൻസിങ് ഉറപ്പാക്കണമെന്നും കോടതി ഉത്തരവിട്ടു.
SUMMARY : Dogs should be removed from public places; Supreme Court issues order on stray dog control
