‘ഡോണി’ന്റെ സംവിധായകൻ ചന്ദ്ര ബരോട്ട് അന്തരിച്ചു

മുംബൈ: 1978ൽ അമിതാഭ് ബച്ചന്‍ അഭിനയിച്ച കൾട്ട് ക്ലാസിക് ചിത്രമായ ഡോണിന്റെ സംവിധായകൻ ചന്ദ്ര ബരോട്ട്(86) അന്തരിച്ചു. മുംബൈയിലെ ബാന്ദ്രയിലുള്ള ആശുപത്രിയിലായിരുന്നു അന്ത്യം. കഴിഞ്ഞ ഏഴു വർഷമായി അദ്ദേഹം ശ്വാസകോശ സംബന്ധമായ അസുഖത്തിന് ചികിത്സയിലായിരുന്നെന്ന് അദ്ദേഹത്തിന്റെ ഭാര്യ ദീപ ബാരോട്ട് പറഞ്ഞു.

ചന്ദ്ര ബരോട്ടിന്റെ ആദ്യം ചിത്രം കൂടിയായിരുന്നു ഡോൺ. അമിതാഭ് ബച്ചന്റെ കരിയറിൽ വഴിത്തിരിവായി മാറിയ ചിത്രം കൂടിയാണ് ഇത്. ദക്ഷിണാഫ്രിക്കയിലെ ടാന്‍സാനിയയിലാണ് ചന്ദ്ര ബാരോട്ടിന്റെ ജനനം. പിന്നീട് ഇന്ത്യയിലേക്ക് താമസം മാറുകയും സിനിമാ ലോകത്തേക്ക് കാലെടുത്ത് വെയ്ക്കുകയുമായിരുന്നു. ഹം ബജ ബജാ ദേംഗേ, പ്യാർ ബാരാ ദിൽ, അശ്രിതാ തുടങ്ങിയ ചിത്രങ്ങളും അദ്ദേഹം സംവിധാനം ചെയ്തിട്ടുണ്ട്. പ്യാർ ബാരാ ദിൽ, ആശ്രിതാ തുടങ്ങിയ ചിത്രങ്ങളും സംവിധാനം ചെയ്തിട്ടുണ്ട്. മനോജ് കുമാറിനൊപ്പം അസിസ്റ്റന്റ് ഡയറക്ടറായും ചന്ദ്ര ബരോട്ട് പ്രവർത്തിച്ചിട്ടുണ്ട്.
SUMMARY: ‘Don’ director Chandra Barot passes away