ബെംഗളൂരു: പിക്കപ്പ് ട്രക്കും കാറും കൂട്ടിയിടിച്ചുണ്ടായ അപകടത്തിൽ ഒരാൾക്ക് ഗുരുതര പരുക്ക്. കുടക് സുണ്ടിക്കൊപ്പയ്ക്ക് സമീപം ശനിയാഴ്ച രാത്രിയാണ് അപകടമുണ്ടായത്. കാർ ഡ്രൈവർക്ക് ഗുരുതര പരുക്കേറ്റു. ഇയാളെ സമീപത്തെ ആശുപത്രിയിൽ പ്രവേശിപ്പിച്ചു.
സുണ്ടിക്കൊപ്പയിൽ നിന്ന് കുശാൽനഗറിലേക്ക് പോവുകയായിരുന്ന പിക്കപ്പ് വാഹനവും ബെംഗളൂരുവിൽ നിന്ന് മടിക്കേരിയിലേക്ക് വരികയായിരുന്ന മഹീന്ദ്ര എസ്‌യുവിയുമാണ് അപകടത്തിൽപ്പെട്ടത്. സംഭവത്തെ തുടർന്ന് കാറിൻ്റെ സ്റ്റിയറിംഗിനും സീറ്റിനുമിടയിൽ അരമണിക്കൂറിലേറെ നേരം ഡ്രൈവർ കുടുങ്ങിക്കിടന്നു. പിന്നീട് പോലീസും നാട്ടുകാരും ചേർന്ന് മറ്റൊരു ലോറി ഉപയോഗിച്ച് കാറിൻ്റെ മുൻഭാഗം കയർ കെട്ടി വലിച്ചാണ് ഡ്രൈവറെ പുറത്തെടുത്തത്. സംഭവത്തിൽ സുണ്ടിക്കൊപ്പ പോലീസ് കേസെടുത്തു.
TAGS: KARNATAKA | ACCIDENT
SUMMARY: One critically injured in pickup truck suv collision
