ബെംഗളൂരു: ദുഃഖ വെള്ളി, ഈസ്റ്റർ അവധിയോടനുബന്ധിച്ചുള്ള യാത്രാ തിരക്ക് പരിഗണിച്ച് ബെംഗളൂരുവിൽ നിന്നും കണ്ണൂരേക്ക് മംഗളൂരു വഴി സ്പെഷൽ എക്സ്പ്രസ് ട്രെയിൻ പ്രഖ്യാപിച്ച് ദക്ഷിണ പശ്ചിമ റെയിൽവേ. ഇരുവശങ്ങളിലേക്കും ഓരോ സർവീസ് വീതമാണ് നടത്തുക.
ട്രെയിൻ 06551 – യശ്വന്തപുര- കണ്ണൂർ: യശ്വന്തപുരയിൽ നിന്നും ഏപ്രിൽ 2 ന് വ്യാഴാഴ്ച രാവിലെ 11.50 ന് പുറപ്പെടുന്ന ട്രെയിൻ പിറ്റേ ദിവസം പുലർച്ചെ 3 മണിക്ക് കണ്ണൂരിലെത്തും.
ട്രെയിൻ 06552 – കണ്ണൂർ-യശ്വന്തപുര: ഏപ്രിൽ 3 ന് വെള്ളിയാഴ്ച്ച രാവിലെ 8.45 ന് കണ്ണൂരിൽ നിന്നും പുറപ്പെടുന്ന ട്രെയിൻ രാത്രി 9.30 ന് യശ്വന്തപുരയിൽ എത്തിച്ചേരും.
കുനിഗൽ, ചന്നരായപ്പട്ടണ, ഹാസൻ, സക്ലേഷ്പുര, സുബ്രഹ്മണ്യ റോഡ്, കബക പുത്തൂർ, ബണ്ട്വാള, മംഗളൂരു ജംഗ്ഷൻ, കാസറഗോഡ്, കാഞ്ഞങ്ങാട്, പയ്യന്നൂർ എന്നിവിടങ്ങളിലാണ് സ്റ്റോപ്പുകൾ. റിസര്വേഷന് ഉടന് ആരംഭിക്കും.
SUMMARY: Easter holidays; Special train from Yesvantapura to Kannur via Mangaluru
