ബെംഗളൂരു: കോലാർ-ചിക്കബള്ളാപുര ജില്ലാ സഹകരണ പാൽ ഉൽപ്പാദക യൂണിയന് റിക്രൂട്ട്മെന്റ് തട്ടിപ്പുമായി ബന്ധപ്പെട്ട് മാലൂർ കോൺഗ്രസ് എംഎൽഎ കെ.വൈ. നഞ്ചേഗൗഡയുടെ 1.32 കോടി രൂപയുടെ സ്വത്തുക്കൾ എൻഫോഴ്സ്മെന്റ് ഡയറക്ടറേറ്റ് (ഇ.ഡി കണ്ടുകെട്ടി. യൂണിയൻ ചെയർമാനായിരിക്കെ പണം വാങ്ങി സ്വന്തക്കാർക്കു ജോലി നൽകിയ എന്ന കേസിലാണ് നടപടി. നഞ്ചേഗൗഡ, മാനേജിംഗ് ഡയറക്ടർ കെ.എൻ. ഗോപാലമൂർത്തിയുമായും മറ്റ് ഡയറക്ടർമാരുമായും ചേർന്ന് യോഗ്യത കുറഞ്ഞ സ്ഥാനാർത്ഥികൾക്ക് അനുകൂലമായി ഒ.എം.ആർ. ഷീറ്റുകളിലും ഇന്റർവ്യൂ സ്കോറുകളിലും കൃത്രിമം നടത്തിയെന്നാണ് ആരോപണം
സർക്കാർ ഭൂമി ചട്ടവിരുദ്ധമായി അനു വദിച്ചതിൽ 150 കോടി രൂപയുടെ ക്രമക്കേട് ആരോപണവും നഞ്ചേഗൗഡ നേരിടുന്നുണ്ട്. 2023-ൽ മലൂർ താലൂക്ക് ലാൻഡ് ഗ്രാന്റ് കമ്മിറ്റി ചെയർമാനായിരിക്കെ 80 ഏക്കർ സർക്കാർ ഭൂമി അനർഹർക്ക് നൽകിയെന്ന ഈ ആരോപണത്തിൽ കർണാടക ഹൈക്കോടതി അന്വേഷണത്തിന് അനുമതി നൽകിയിരുന്നു.
SUMMARY: ED seizes assets worth Rs 1.32 crore of Congress MLA
