ബെംഗളൂരു: വൈദ്യുതീകരണ പ്രവര്ത്തനങ്ങള് പുരോഗമിക്കുന്ന മംഗളൂരു – ബെംഗളൂരു റെയില്പാതയില് ഷിരിബാഗിലു വരെയുള്ള ഭാഗം പൂര്ത്തിയായി. മംഗളൂരുവിനും സുബ്രഹ്മണ്യ റോഡിനും ഇടയിലുള്ള ഇലക്ട്രിക് ലോക്കല് പാസഞ്ചര് ട്രെയിന് സര്വീസ് തിങ്കളാഴ്ച മുതല് സര്വീസ് ആരംഭിച്ചു.
യാത്രക്കാരുടെ ദീര്ഘകാലമായുള്ള ആവശ്യമാണ് ഭാഗികമായി പൂര്ത്തിയായത്. മംഗളൂരു – സുബ്രഹ്മണ്യ റോഡ് പാതയില് അടുത്തിടെ ആരംഭിച്ച പാസഞ്ചര് ട്രെയിനിന് മികച്ച പ്രതികരണമായിരുന്നു ലഭിച്ചത്. ഇലക്ട്രിക് ലോക്കോമോട്ടീവുകളിലേക്ക് സര്വീസ് മാറ്റിയതോടെ യാത്രയ്ക്ക് കൂടുതല് സ്വീകരണം ലഭിക്കുന്നുണ്ട്.
56625/26, 56627/28, 56629/30 എന്നീ പാസഞ്ചര് ട്രെയിനുകൾ മംഗളൂരു സെൻട്രലിനും സുബ്രഹ്മണ്യ റോഡിനും (എസ്ബിഎച്ച്ആര്) ഇടയിൽ ദിവസവും മൂന്ന് റൗണ്ട് ട്രിപ്പുകൾ നടത്തുന്നുണ്ടെങ്കിലും ഉച്ചകഴിഞ്ഞ് സുബ്രഹ്മണ്യയിലേക്ക് ഒരു ട്രിപ്പ് മാത്രമേ നടത്തിയിരുന്നുള്ളൂ. രാവിലെയും വൈകുന്നേരവും കബക പുത്തൂർ വരെയായിരുന്നു സര്വീസ്. പിന്നീട് രാവിലെയും വൈകുന്നേരവുമുള്ള സർവീസുകൾ സുബ്രഹ്മണ്യവരെ നീട്ടുകയായിരുന്നു. സര്വീസുകള് നീട്ടിയതോടെ ഈ ഭാഗങ്ങളിലെ ഓഫീസ് ജീവനക്കാരും വിദ്യാർത്ഥികളും പതിവ് യാത്രക്കാരായി. പരമ്പരാഗത റേക്ക് മാറ്റി മെമു ട്രെയിന് അനുവദിക്കണമെന്ന് ദക്ഷിണ കന്നഡ എംപി ക്യാപ്റ്റൻ ബ്രിജേഷ് ചൗട്ട റെയില്വേയോട് ആവശ്യപ്പെട്ടിട്ടുണ്ട്.
സമയക്രമം:
ട്രെയിൻ 56625- മംഗളൂരു സെൻട്രലിൽ നിന്ന് പുലർച്ചെ 4 മണിക്ക് പുറപ്പെട്ട് 6.30 ന് സുബ്രഹ്മണ്യയില് എത്തും.
ട്രെയിൻ 56626- സുബ്രഹ്മണ്യയില് നിന്ന് രാവിലെ 7 മണിക്ക് പുറപ്പെട്ട് 9.30 ന് മംഗളൂരു സെൻട്രലിൽ എത്തും
ട്രെയിൻ 56629– രാവിലെ 10 മണിക്ക് മംഗളൂരു സെൻട്രലിൽ നിന്ന് പുറപ്പെട്ട് ഉച്ചയ്ക്ക് 1.30 ന് സുബ്രഹ്മണ്യയില് എത്തും
ട്രെയിൻ 56630- ഉച്ചയ്ക്ക് 1.45 ന് സുബ്രഹ്മണ്യയില് നിന്ന് പുറപ്പെട്ട് 4.25 ന് സെൻട്രലിൽ എത്തിച്ചേരും.
ട്രെയിൻ 56627- വൈകുന്നേരം 5.45 ന് പുറപ്പെട്ട് രാത്രി 8.10 ന് സുബ്രഹ്മണ്യയില് എത്തുന്നു.
ട്രെയിൻ 56628- രാത്രി 8.40 ന് സുബ്രഹ്മണ്യയില് നിന്ന് പുറപ്പെട്ട് രാത്രി 11.10 ന് സെൻട്രലിൽ എത്തിച്ചേരും.
SUMMARY: Electrification; Electric train service started on the route from Mangaluru to Subrahmanya station
കൊല്ലം: മുസ്ലീംലീഗിനെതിരേയും മന്ത്രി ഗണേഷ് കുമാറിനെതിരേയും രൂക്ഷ വിമര്ശനവുമായി എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന്. മുസ്ലീംലീഗ് വര്ഗീയ പാര്ട്ടിയാണെന്നും…
ശ്രീഹരിക്കോട്ട: രണ്ട് വര്ഷത്തെ ഇടവേളയ്ക്ക് ശേഷം ഐഎസ്ആര്ഒയുടെ ഏറ്റവും കരുത്തുള്ള വിക്ഷേപണ വാഹനം എല്വിഎം 3 കുതിച്ചുയര്ന്നു. 4,400 കിലോഗ്രാം…
തിരുവനന്തപുരം: കോർപ്പറേഷൻ പിടിക്കാൻ മുൻ എംഎല്എ കെ.എസ് ശബരീനാഥനെ കളത്തിലിറക്കി കോണ്ഗ്രസിന്റെ നിർണായക നീക്കം. തിരഞ്ഞെടുപ്പ് നോട്ടിഫിക്കേഷൻ വരുന്നതിന് മുമ്പ്…
കോട്ടയം: ലോലന് എന്ന ഒറ്റ കഥാപാത്രം കൊണ്ട് മലയാള കാര്ട്ടൂണ് രംഗത്ത് വ്യക്തിമുദ്ര പതിപ്പിച്ച കാര്ട്ടൂണിസ്റ്റ് ചെല്ലന് (ടി പി…
കല്പ്പറ്റ: വയനാട് മീനങ്ങാടിയില് ഒന്നരക്കോടി രൂപയുടെ കുഴല്പ്പണം പിടികൂടി. മലപ്പുറം വള്ളിക്കുന്ന് സ്വദേശി അബ്ദുറസാക്ക് ആണ് പണവുമായി പിടിയിലായത്. ബെംഗളൂരുവില്…
ന്യൂഡൽഹി: വാട്ട്സ്ആപ്പ് ചാറ്റ് ബാക്കപ്പുകള്ക്കായി പാസ്കീ അടിസ്ഥാനമാക്കിയുള്ള എൻക്രിപ്ഷൻ എന്ന പുതിയ സംവിധാനം അവതരിപ്പിച്ചു. ഇത് വഴി ഉപയോക്താക്കള്ക്ക് അവരുടെ…