ബെംഗളൂരു: തിരക്ക് നിയന്ത്രിക്കുന്നതിന്റെ ഭാഗമായി മജസ്റ്റിക് മെട്രോ സ്റ്റേഷനിൽ പുതിയ പ്രവേശന കവാടം യാത്രക്കാർക്കായി തുറന്നു കൊടുത്തു. കെഎസ്ആർടിസി ബസ് സ്റ്റാൻഡിലെ 2,2എ ടെർമിനലുകളിൽ നിന്നു നേരിട്ടു മെട്രോ സ്റ്റേഷനിലേക്കു പ്രവേശിക്കാൻ സഹായിക്കുന്ന ഡി എൻട്രൻസാണ് തുറന്നത്. യാത്രക്കാരുടെ നിരന്തര ആവശ്യം കണക്കിലെടുത്താണ് നടപടിയെന്ന് ബിഎംആർസി അറിയിച്ചു.
ഇലക്ട്രോണിക് സിറ്റിയിലേക്കുള്ള ആർവി റോഡ്-ബൊമ്മസന്ദ്ര പാതയിൽ സർവീസ് ആരംഭിക്കുന്നതിനു മുന്നോടിയായാണ് നടപടി. ഇലക്ട്രോണിക് സിറ്റിയിലേക്കു മെട്രോ എത്തുന്നതോടെ പ്രതിദിന യാത്രക്കാരുടെ എണ്ണത്തിൽ വൻ കുതിച്ചു ചാട്ടമുണ്ടാകും. ഇന്റർചേഞ്ചിങ് സ്റ്റേഷനായ മജസ്റ്റിക്കിലും യാത്രക്കാരുടെ എണ്ണം വർധിക്കാൻ ഇതു ഇടയാക്കുമെന്നാണ് പ്രതീക്ഷിക്കുന്നത്.
SUMMARY: D Entrance of Majestic metro station open to commuters.
