ബെംഗളൂരു: കടുവയുടെ ആക്രമണത്തിൽ യുവാവിന് ഗുരുതര പരുക്ക്. കുടകിലെ പൊന്നമ്പേട്ട് താലൂക്കിലാണ് സംഭവം. തോട്ടം തൊഴിലാളിയായ രാജനാണ് (45) പരുക്കേറ്റത്. ഇയാളുടെ ചെവിക്കും തലയ്ക്കുമാണ് പരുക്കേറ്റത്. സഹായത്തിനായുള്ള രാജൻ്റെ നിലവിളി കേട്ട് മറ്റുള്ളവർ ഓടി എത്തിയപ്പോഴേക്കും കടുവ രക്ഷപ്പെട്ടിരുന്നു. ഒപ്പമുണ്ടായിരുന്ന തൊഴിലാളികൾ ഉടൻ രാജനെ വിരാജ്പേട്ട ആശുപത്രിയിലെത്തിച്ചു.
വിരാജ്പേട്ട എംഎൽഎയും മുഖ്യമന്ത്രിയുടെ നിയമോപദേഷ്ടാവുമായ എ. പൊന്നണ്ണ വനംവകുപ്പ് ഉദ്യോഗസ്ഥരുമായി ബന്ധപ്പെട്ട് കടുവയെ പിടികൂടാൻ അടിയന്തര നടപടി സ്വീകരിക്കാൻ നിർദേശം നൽകി.
TAGS: KARNATAKA | ATTACK
SUMMARY: Man seriously Injured in tiger attack
