തിരുവനന്തപുരം: ഗുരുതര ലൈംഗിക ആരോപണം നേരിടുന്ന രാഹുല് മാങ്കൂട്ടത്തിലിന് വീണ്ടും കുരുക്ക്. വ്യാജ തിരിച്ചറിയല് കാർഡ് കേസില് രാഹുലിനെ ക്രൈംബ്രാഞ്ച് ചോദ്യം ചെയ്യും. പ്രതികളുടെ ശബ്ദരേഖയില് രാഹുല് മാങ്കൂട്ടത്തിലിന്റെ പേരുള്ളതിനാലാണ് വീണ്ടും വിളിപ്പിച്ചത്. ചോദ്യം ചെയ്യലിനായി ശനിയാഴ്ച ഹാജരാകാൻ നോട്ടീസ് നല്കി. കേസില് അന്വേഷണം അവസാനഘട്ടത്തിലാണ്.
മൂന്നാം പ്രതി അഭിനന്ദ് വിക്രമിൻ്റെ ഫോണിലെ ശബ്ദരേഖയിലാണ് രാഹുലിൻ്റെ പേര് പരാമർശിക്കുന്നത്. കേസില് നിലവില് 7 പ്രതികളാണ് ഉള്ളത്. വ്യാജ തിരിച്ചറിയല് രേഖ കേസില് പോലീസിന്റെ ആദ്യത്തെ ചോദ്യം ചെയ്യലില് രാഹുല് മാങ്കൂട്ടത്തില് ആരോപണങ്ങള് നിഷേധിച്ചിരുന്നു. കേസില് അറസ്റ്റിലായ പ്രതികളുമായി ബന്ധമുണ്ടെങ്കിലും അവർ വ്യാജ രേഖയുണ്ടായതായി അറിയില്ലെന്നും, അത്തരത്തില് വോട്ടുകള് ലഭിച്ചിട്ടില്ലെന്നുമായിരുന്നു രാഹുലിന്റെ മൊഴി.
നാല് മണിക്കൂർ നീണ്ട മൊഴിയെടുപ്പിലാണ് വ്യാജ തിരിച്ചറിയർ കാർഡിനെ കുറിച്ച് ഒന്നുമറിയില്ലെന്ന് രാഹുല് മാങ്കൂട്ടത്തില് വിശദീകരിച്ചത്. അതേസമയം, സംഘടനാ തിരഞ്ഞെടുപ്പില് വ്യാപകമായി വ്യാജ കാർഡുകള് ഉപയോഗിച്ചുവെന്ന് തിരഞ്ഞെടുപ്പ് കമ്മീഷന് പോലീസ് റിപ്പോർട്ട് നല്കി.
SUMMARY: Fake identity card case; Rahul Mangkootatil to be questioned
WhatsApp
Telegram
