കാട്ടാനയുടെ ആക്രമണത്തിൽ കർഷകൻ കൊല്ലപ്പെട്ടു

ബെംഗളൂരു: കാട്ടാനയുടെ ആക്രമണത്തിൽ കർഷകൻ കൊല്ലപ്പെട്ടു. ചിക്കമഗളൂരു തരിക്കരെ താലൂക്കിലെ താനിഗെബൈൽ വനമേഖലയിൽ തിങ്കളാഴ്ചയാണ് സംഭവം. വെങ്കിടേഷ് (58) ആണ് കൊല്ലപ്പെട്ടത്. വീടിന് മുന്നിലുള്ള തോട്ടത്തിൽ വെങ്കിടേഷ് പശുവിനെ കെട്ടാൻ പോയപ്പോഴാണ് സംഭവം.

പുറകിൽ നിന്ന് വന്ന ആന കർഷകനെ ആക്രമിക്കുകയായിരുന്നു. ഗുരുതരമായി പരുക്കേറ്റ ഇയാൾ സംഭവസ്ഥലത്ത് തന്നെ മരിച്ചു. വനംവകുപ്പ് ഉദ്യോഗസ്ഥർ സംഭവസ്ഥലം സന്ദർശിച്ചു. പ്രദേശത്ത് മുമ്പും കാട്ടാന ശല്യം റിപ്പോർട്ട്‌ ചെയ്യപ്പെട്ടിരുന്നു. എന്നാൽ അധികൃതർ ആവശ്യമായ നടപടികൾ സ്വീകരിച്ചില്ലെന്ന് നാട്ടുകാർ ആരോപിച്ചു. ആനശല്യം തടയാൻ നടപടികൾ സ്വീകരിക്കണമെന്നും നാട്ടുകാർ വനം വകുപ്പിനോട് ആവശ്യപ്പെട്ടു.

TAGS: ELEPHANT ATTACK
SUMMARY: Farmer killed in elephant attack in Karnataka