കൊല്ലത്ത് വെച്ച് കൈവിലങ്ങുമായി രക്ഷപ്പെട്ട മോഷണക്കേസ് പ്രതികളായ അച്ഛനും മകനും വയനാട്ടിൽ പിടിയിൽ

വയനാട്: കൊല്ലത്ത് വെച്ച് കസ്റ്റഡിയിൽനിന്ന് കൈവിലങ്ങുമായി രക്ഷപ്പെട്ട നിരവധി മോഷണക്കേസുകളിലെ പ്രതികളായ അച്ഛനും മകനും വയനാട്ടിൽ പിടിയിൽ. തിരുവനന്തപുരം ആലംകോട് റംസി മൻസിലിൽ അയൂബ്ഖാൻ (62), നെടുമങ്ങാട് വാളിക്കോട് റംസി മൻസിലിൽ സെയ്തലി (22) എന്നിവരാണ് പിടിയിലായത്.

സുൽത്താൻ ബത്തേരിയിൽനിന്ന്‌ കസ്റ്റഡിയിലെടുത്ത് കൊണ്ടുവരുന്നതിനിടെ ഞായര്‍ പുലർച്ചെ നാലിന് കടയ്ക്കൽ – അഞ്ചൽ റോഡിൽ ചുണ്ട ചെറുകുളത്തിന് സമീപം വെച്ചായിരുന്നു ഇവര്‍ രക്ഷപ്പെട്ടത്. യാത്രക്കിടെ ഡ്രൈവർക്ക് ഫോൺ വന്നു. സംസാരിക്കാന്‍ വേണ്ടി വണ്ടിയൊതുക്കി പുറത്തേക്കിറങ്ങുകയും ചെയ്തു. ഇതിനിടെയാണ് പ്രതികൾ ഓടിപ്പോകുന്നത്. കൈ വിലങ്ങുമായാണ് ഇവർ രക്ഷപ്പെട്ടത്

ഇവർക്ക് വയനാട് വരെ എത്താൻ മറ്റാരുടേയുമെങ്കിലും സഹായം ലഭിച്ചോയെന്ന് തുടർ അന്വേഷണത്തിൽ പരിശോധിക്കുമെന്ന് പോലീസ് പറഞ്ഞു.
SUMMARY: Father and son accused of theft case who escaped with handcuffs in Kollam arrested in Wayanad