അബുദാബി: അബുദാബിയിലെ ഖലീഫ ഇക്കണോമിക് സോണ്‍ (കെസാഡ്) പരിസരത്ത് മിസൈല്‍ അവശിഷ്ടങ്ങള്‍ പതിച്ചുണ്ടായ തീപിടിത്തത്തില്‍ പരുക്കേറ്റവരുടെ എണ്ണം ആറായി ഉയർന്നു. യുഎഇ വ്യോമ പ്രതിരോധ സംവിധാനം വിജയകരമായി തകർത്ത ബാലിസ്റ്റിക് മിസൈലിന്റെ അവശിഷ്ടങ്ങള്‍ വീണാണ് മൂന്നാമത്തെ സ്ഥലത്തും അപകടമുണ്ടായതെന്ന് അധികൃതർ സ്ഥിരീകരിച്ചു.
അപകടത്തില്‍ പരുക്കേറ്റ ആരുടെയും നില ഗുരുതരമല്ലെന്നും എല്ലാവർക്കും ആവശ്യമായ ചികിത്സാ സൗകര്യങ്ങള്‍ ലഭ്യമാക്കിയിട്ടുണ്ടെന്നും ഔദ്യോഗിക വൃത്തങ്ങള്‍ അറിയിച്ചു. മൂന്നിടങ്ങളിലുമുണ്ടായ തീപിടിത്തം സിവില്‍ ഡിഫൻസ് വിഭാഗം ഉടനടി ഇടപെട്ട് പൂർണ്ണമായും നിയന്ത്രണവിധേയമാക്കിയിട്ടുണ്ട്. നിലവില്‍ തീ അണച്ച ഭാഗങ്ങളില്‍ കൂളിങ് നടപടികള്‍ പുരോഗമിക്കുകയാണ്.
SUMMARY: Fire breaks out after missile debris falls; number of injured in Abu Dhabi rises to six
