തിരുവനന്തപുരം: 2027 ഏപ്രിൽ ഒന്നുമുതൽ പുതുക്കിയ വൈദ്യുതി നിരക്കും സർച്ചാർജും നിലവിൽ വരും. വൈദ്യുതി ബോർഡിന്റെ മുൻകാല നഷ്ടമായ 5,000 കോടി രൂപ നാലുവർഷംകൊണ്ട് സർച്ചാർജിലൂടെ ഈടാക്കുന്നതിനുള്ള പുതിയ താരിഫ് നയം വൈദ്യുതി റെഗുലേറ്ററി കമ്മിഷൻ വിജ്ഞാപനം ചെയ്തു. 2027-28 മുതൽ 2031-32 വരെയുള്ള അഞ്ചുവർഷത്തെ വൈദ്യുതി നിരക്ക് ഈ നയത്തിന്റെ അടിസ്ഥാനത്തിലായിരിക്കും നിശ്ചയിക്കുക.
അടുത്ത ഏപ്രില്‍ മുതല്‍ പ്രാബല്യത്തില്‍ വരുന്ന രീതിയിലാണ് അഞ്ച് വര്‍ഷത്തേയ്ക്കുള്ള പുതിയ താരിഫ് നയം നടപ്പിലാക്കുന്നത്. കെ എസ് ഇ ബിയുടെ മുന്‍കാല നഷ്ടമായ അയ്യായിരം കോടിയുടെ സാമ്പത്തിക ബാധ്യതക്ക് പുറമെ യുഡിഎഫ് അധികാരത്തില്‍ വന്ന ശേഷം ഹ്രസ്വകാല കരാറുകളിലൂടെ ഉണ്ടായ അധിക ബാധ്യതകളും ഉപഭോക്താക്കളില്‍ നിന്ന് ഈടാക്കുന്ന തരത്തിലാണ് പുതിയ താരിഫ് നയത്തിന്റെ ഘടന. അധിക ബാധ്യത ഇന്ധന സര്‍ചാര്‍ജ് നിരക്കില്‍ ഉള്‍പ്പെടുത്തും.
കൂടാതെ, പീക്ക് സമയം വർധിപ്പിക്കാനും തീരുമാനിച്ചു. വൈകീട്ട് ആറു മുതൽ രാത്രി 11.30 വരെയാണ് പുതിയ പീക്ക് സമയം. നേരത്തെ, ആറു മുതൽ രാത്രി പത്തുവരെയായിരുന്നു. പീക്ക് സമയങ്ങളിലെ വൈദ്യുതി ഉപഭോഗത്തിന് കൂടിയനിരക്ക് ഈടാക്കാൻ കൂടുതൽ വിഭാഗങ്ങൾക്ക് ടി.ഒ.ഡി. മീറ്റർ സ്ഥാപിക്കണമെന്നും നയം നിർദേശിക്കുന്നു. രാവിലെ എട്ടുമുതൽ വൈകുന്നേരം ആറുവരെയും രാത്രി 11.30 മുതൽ രാവിലെ എട്ടുവരെയും നിരക്ക് കുറയ്ക്കാനും നയം ആവശ്യപ്പെടുന്നു.
വൈദ്യുതി ഉൽപാദിപ്പിക്കുന്നതിനുള്ള ചെലവിൽ ഇന്ധനവില വർധനകൊണ്ടുള്ള അധികബാധ്യത ഈടാക്കാൻ മാസംതോറും ഇന്ധന സർചാർജ് ചുമത്താറുണ്ട്. ഇതുവരെ ദീർഘകാല വൈദ്യുതിക്കരാറുകളിൽ മാത്രമായിരുന്നു ഇത്തരത്തിൽ സർചാർജ് ചുമത്തിയിരുന്നത്. ഇനി ഹ്രസ്വകാല, അടിയന്തര വാങ്ങലുകളിലും ഇന്ധന സർചാർജ് ഈടാക്കും. ഇത് കമീഷന്റെ അംഗീകാരമില്ലാതെതന്നെ കമ്പനിക്ക് നേരിട്ട് ഈടാക്കാം. അധികബാധ്യത ഉടനെത്തന്നെ ഉപഭോക്താക്കളിൽനിന്ന് ഈടാക്കാനാണ് കേന്ദ്രം ഈ ചട്ടം കൊണ്ടുവന്നത്.
SUMMARY: Following the power cuts, electricity tariffs and surcharges will increase in the state.
