പതിനഞ്ചുമാസത്തെ നരകയാതനകള്ക്കൊടുവില് ഗസയില് വെടിനിര്ത്തല് കരാര് പ്രാബല്യത്തില് വന്നു. ഏകദേശം മൂന്ന് മണിക്കൂര് വൈകിയാണ് വെടിനിര്ത്തല് കരാര് നിലവില് വന്നത്. ഞായറാഴ്ച മോചിപ്പിക്കപ്പെടുന്ന ബന്ദികളുടെ പട്ടിക ഹമാസ് പുറത്തുവിട്ടതോടെയാണ് കരാര് നിലവില്വന്നത്.
പ്രാദേശികസമയം രാവിലെ 8.30-ന് (ഇന്ത്യന് സമയം ഉച്ചയോടെ) വെടിനിര്ത്തല് നിലവില്വരുമെന്ന് സമാധാന ചര്ച്ചകളിലെ പ്രധാനമധ്യസ്ഥരായ ഖത്തറിന്റെ വിദേശകാര്യമന്ത്രി മജീദ് അല് അന്സാരി നേരത്തെ അറിയിച്ചിരുന്നു. എന്നാല്, ആദ്യഘട്ടത്തില് മോചിപ്പിക്കപ്പെടുന്ന ബന്ദികളുടെ പട്ടിക ഹമാസ് പുറത്തുവിടുന്നതുവരെ വെടിനിര്ത്തല് ആരംഭിക്കില്ലെന്ന് ഇസ്രായേല് നിലപാട് എടുത്തതോടെയാണ് നടപടികള് വൈകിയത്.
ആദ്യഘട്ട വെടിനിര്ത്തലിനിടെ 33 ബന്ദികളെ ഹമാസ് ഘട്ടം ഘട്ടമായി മോചിപ്പിക്കും. ഇതില് മൂന്നുപേരെയാണ് ഞായറാഴ്ച വിട്ടയയ്ക്കുന്നത്. ഇവര് 30 വയസ്സില് താഴെയുള്ള ഇസ്രയേലിന്റെ വനിതാ സൈനികരാണെന്നാണ് സൂചന. ആദ്യഘട്ടത്തില് മോചിപ്പിക്കുന്ന 737 ഫലസ്തീന് തടവുകാരുടെ വിശദാംശങ്ങള് ഇസ്രായേല് നീതിന്യായവകുപ്പ് പുറത്തുവിട്ടിട്ടുണ്ട്.
ആദ്യസംഘത്തില് 95 പേരുണ്ടാകും. ഇവരെ ഞായറാഴ്ച നാലിനുശേഷമേ കൈമാറൂവെന്ന് ഇസ്രായേല് അറിയിച്ചു. ജനവാസമേഖലകളില് നിന്നുള്ള സൈന്യത്തിന്റെ പിന്മാറ്റവും ആദ്യഘട്ടത്തിലുണ്ടാകും. ആദ്യഘട്ട വെടിനിര്ത്തലിന്റെ 16-ാം ദിനം രണ്ടും മൂന്നും ഘട്ടങ്ങള് എങ്ങനെയാകണമെന്നതിനെക്കുറിച്ച് ചര്ച്ചതുടങ്ങും.
TAGS : GAZA
SUMMARY : Gaza cease-fire agreement in effect
കോഴിക്കോട്: കുന്നമംഗലത്ത് കാറും പിക്കപ്പും കൂട്ടിയിടിച്ച് മൂന്ന് പേർ മരിച്ചു. രണ്ട് കാർ യാത്രക്കാരും പിക്കപ്പ് ലോറി ഡ്രൈവറുമാണ് മരിച്ചത്.…
ബെംഗളൂരു: ഹുബ്ബള്ളിയിൽ യുവതിയെ തട്ടിക്കൊണ്ടുപോയി പീഡിപ്പിച്ചു ചിത്രങ്ങളും വിഡിയോയും പ്രചരിപ്പിതായി പരാതി. ഭർത്താവുമായി പിണങ്ങി ഒന്നര മാസമായി ഹുബ്ബള്ളിയിൽ അലഞ്ഞുതിരിയുകയായിരുന്ന…
കോട്ടയം: കാഞ്ഞിരപ്പള്ളിക്ക് സമീപം കൂവപ്പള്ളി കുളപ്പുറത്ത് വീടിനുള്ളിൽ യുവാവിനെയും വീട്ടമ്മയെയും മരിച്ച നിലയിൽ കണ്ടെത്തി. വീട്ടമ്മയെ വീടിനുള്ളിൽ കൊല്ലപ്പെട്ട നിലയിലും…
ബെംഗളൂരു: ഐഎസ്ആർഒയുടെ പുതുവർഷത്തിലെ ആദ്യ ഉപഗ്രഹ വിക്ഷേപണം ഇന്നു ആന്ധ്രാപ്രദേശിലെ ശ്രീഹരിക്കോട്ട സതീഷ് ധവാൻ സ്പേസ് സെന്ററിൽ നടക്കും. ഇന്ത്യൻ…
ബെംഗളൂരു: മാണ്ഡ്യ വിവി നഗറിലുണ്ടായ ബൈക്കപകടത്തില് മലയാളി നഴ്സിങ് വിദ്യാര്ഥി മരിച്ചു. കക്കയം പൂവത്തിങ്കല് ബിജു- ജിന്സി ദമ്പതികളുടെ മകന്…
ശ്രീനഗർ: ജമ്മു കാശ്മീരിലെ നിയന്ത്രണ രേഖയ്ക്ക് സമീപം പാകിസ്ഥാന്റെ ഡ്രോൺ നീക്കങ്ങൾ ഇന്ത്യൻ സൈന്യം തകർത്തു. രാജൗരി ജില്ലയിലെ നൗഷേര…