വ്യവസായ സംരംഭങ്ങള്‍ക്ക് വലിയ ഇളവുമായി സർക്കാർ; പഞ്ചായത്തില്‍ നിന്ന് ലൈസന്‍സ് വേണ്ട. പകരം ഇനി രജിസ്‌ട്രേഷന്‍ മാത്രം മതി

തിരുവനന്തപുരം: സംസ്ഥാനത്തെ സംരംഭങ്ങൾക്ക് വൻ ഇളവുകൾ നൽകാനുള്ള നീക്കവുമായി സർക്കാർ. കാറ്റഗറി ഒന്നിൽ വരുന്ന സംരംഭങ്ങൾക്ക് ലൈസൻസ് വേണ്ട. പകരം തദ്ദേശസ്ഥാപനങ്ങളിൽ നിന്നുള്ള രജിസ്ട്രേഷൻ മാത്രം മതിയാകും. കൊച്ചിയില്‍ നാളെ ആരംഭിക്കുന്ന നിക്ഷേപക സംഗമത്തിന്റെ ഭാഗമായാണ് വ്യവസായ സംരംഭകര്‍ക്ക് ഇളവുകള്‍ അനുവദിച്ചത്.

വ്യവസായങ്ങളെ സഹായിക്കുന്ന തീരുമാനമാണ് തദ്ദേശ വകുപ്പിന്റേതെന്ന് മന്ത്രി പി രാജീവ് പ്രതികരിച്ചു. സംരംഭങ്ങൾ തുടങ്ങുന്നതിന് നിയമങ്ങളിലും ചട്ടങ്ങളിലും കാലോചിതമായ മാറ്റം വരുത്താൻ ആലോചിക്കുന്നുവെന്നും മന്ത്രി പറഞ്ഞു. ഏത് സംരംഭത്തിനും പഞ്ചായത്തുകളിൽ നിന്ന് ലൈസൻസ് ലഭിക്കുന്നതിന് വ്യവസ്ഥ കൊണ്ടുവരാനാണ് തദ്ദേശ വകുപ്പിന്റെ ആലോചന. സംരംഭങ്ങളെ രണ്ടായി തരം തിരിക്കും. തദ്ദേശ വകുപ്പുകളിൽ നിന്ന് സംരംഭങ്ങൾക്ക് ലൈസൻസിന് പകരം രജിസ്ട്രേഷൻ മാത്രം മതിയെന്ന തീരുമാനത്തിലേക്കാണ് സർക്കാർ കടക്കുന്നത്. ലൈസൻസ് ലഭിക്കുന്നതിലെ നൂലാമാലകൾ ഒഴിവാക്കാനാണ് പരിഷ്കാരം. ഇതിലൂടെ നിയമവിധേയമായ ഏത് സംരംഭത്തിനും പഞ്ചായത്തുകളിൽ നിന്ന് ലൈസൻസ് ലഭിക്കും.

കാറ്റഗറി ഒന്നിൽ വരുന്നത് ഉത്പാദന യൂണിറ്റുകളാണ്. പൊലൂഷൻ കൺട്രോൾ ബോർഡിൻറെ വൈറ്റ് – ഗ്രീൻ എന്നിവയിലുള്ള യൂണിറ്റുകൾക്ക് പഞ്ചായത്തിൻറെ രജിസ്ട്രേഷൻ വേണം. റെഡ് -ഓറഞ്ച് വിഭാഗത്തിലുള്ള യൂണിറ്റുകൾ ലൈസൻസ് എടുക്കണം. ഇത് ഏകജാലക സംവിധാനത്തിലൂടെ തദ്ദേശസ്ഥാപനങ്ങളിൽ നിന്ന് എടുക്കാൻ കഴിയും. ഇത് തടയാൻ പഞ്ചായത്തിന് കഴിയില്ല. ഇതും പുതിയ പരിഷ്കാരത്തിന്റെ ഭാഗമായി വരും.
<BR>
TAGS : MB RAJESH MINISTER | KERALA GOVERNMENT
SUMMARY : Government offers big concessions to industrial enterprises; No need for license from Panchayat. Instead, only registration is required