ബെംഗളൂരു: എന്നും മലയാളികളുടെ ഇഷ്ട വിനോദ കേന്ദ്രമായ കുടകില്‍ ഇനി കാഴ്ചകളേറും. ജില്ലയില്‍ പുതുതായി 23 സഞ്ചാരകേന്ദ്രങ്ങള്‍ കൂടി വികസിപ്പിക്കാനൊരുങ്ങുകയാണ് സര്‍ക്കാര്‍. വര്‍ഷം കൂടുംതോറും ജില്ലയില്‍ സഞ്ചാരികളുടെ ഒഴുക്ക് കൂടുന്നതിനാലാണ് അധിക വരുമാനം ലക്ഷ്യമിട്ടുള്ള സര്‍ക്കാരിന്റെ നീക്കം.
കൂടുതല്‍ മനോഹാരിതമായ സ്ഥലങ്ങള്‍ കണ്ടെത്തി ഇതിനായുള്ള ‘ടൂറിസം മാപ്പിങ്ങ്’ തുടങ്ങിയിരിക്കുകയാണെന്ന് കുടക് ഡെപ്യൂട്ടി കമ്മീഷണര്‍ വെങ്കട്ട് രാജ അറിയിച്ചു.
പുതിയ കേന്ദ്രങ്ങള്‍ക്കായി ടൂറിസം വകുപ്പ് 2.81 കോടിയുടെ 14 പദ്ധതികള്‍ ആരംഭിച്ചു. കൊടവ ഹെറിറ്റേജ് സെന്റര്‍ വികസനത്തിനായി അഞ്ച് കോടിയുടെ പദ്ധതി സമര്‍പ്പിച്ചതായും ഡിസി അറിയിച്ചു.
ഇര്‍പ്പു വെള്ളച്ചാട്ടം, മാലെ തിരികെ ഈശ്വര ക്ഷേത്രം, പെരുമ്പാടി തടാകം, ബാരാപോള്‍ സ്പോട്ട്, റിവര്‍ റാഫ്റ്റിംഗ് എന്നിവടങ്ങളില്‍ 25 ലക്ഷം രൂപ വീതമുള്ള സൗന്ദര്യരവത്കരണവും നടക്കും. പൊന്നമ്പേട്ട് താലൂക്കിലെ ഗൗരി തടാകം, ഹൊന്നമ്മ തടാകം എന്നിവിടങ്ങള്‍ കൂടുതല്‍ സഞ്ചാര സൗഹൃദമാക്കും. മല്ലള്ളി വെള്ളച്ചാട്ടത്തിനടുത്തുള്ള ഒരു റോപ്പ്വേയ്ക്കുള്ള സര്‍വേ പൂര്‍ത്തിയായതായും അദ്ദേഹം അറിയിച്ചു.
കേരളത്തിലേക്കുള്ള കണ്ണൂര്‍ മാക്കൂട്ടം ചുരം -കുട്ടുപുഴ, വയനാടിലേക്കുള്ള കുട്ട -തോല്‍പ്പെട്ടി അന്തസ്സംസ്ഥാന പാതകളുടെ നവകീരണം പൂര്‍ത്തിയാകുന്നത് കുടകിലേക്കുള്ള സഞ്ചാരികള്‍ക്കുള്ള സൗകര്യം വര്‍ദ്ധിപ്പിക്കും.
ദുബാരെ ആന ക്യാമ്പ്, രാജാസ് സീറ്റ്, കാവേരി നിസര്‍ഗധാമ, ബൈലക്കുപ്പെ ഗോള്‍ഡന്‍ ടെമ്പിള്‍, മടിക്കേരിയിലെ കുടക് കോട്ട, അബി ഫാള്‍സ്, കൊപ്പാടി കുന്നുകള്‍, ഭാഗമണ്ഡല, തലക്കാവേരി എന്നിവിടങ്ങളാണ് സഞ്ചാരികളുടെ കുടകിലെ ആകര്‍ഷണ കേന്ദ്രങ്ങള്‍.
SUMMARY: Government plans to develop 23 more tourist destinations in Kodagu
തിരുവനന്തപുരം: കെഎസ്ആര്‍ടിസിയുടെ ഏറ്റവും ദീര്‍ഘദൂര സര്‍വീസായ തിരുവനന്തപുരം-കൊല്ലൂര്‍ മൂകാംബിക റൂട്ടിലേക്ക് പുതിയ വോള്‍വോ എസി മള്‍ട്ടി ആക്‌സില്‍ ബസ്. ഉല്ലാസയാത്രയ്ക്കും…
ബെംഗളൂരു: കര്‍ണാടകയില്‍ എസ്എസ്എല്‍സി പരീക്ഷ ഫീസ് കൂട്ടി സര്‍ക്കാര്‍. ബെംഗളൂരു: പരീക്ഷാ ഫീസ് അഞ്ച് ശതമാനമായാണ് വര്‍ദ്ധിപ്പിച്ചത്. 2026 ലെ…
റാന്നി: പത്തനംതിട്ടയിൽ ഇരുചക്ര വാഹന ഷോറൂമില്‍ തീപ്പിടുത്തം. കെ പി റോഡില്‍ കൊട്ടമുകള്‍ ജംഗ്ഷനില്‍ പ്രവര്‍ത്തിച്ചു കൊണ്ടിരിക്കുന്ന ടിവിഎസ് ന്റെ…
ബെംഗളൂരു: പെണ്‍കുഞ്ഞിന് ജന്മം നല്‍കിയതിന് ഭര്‍ത്താവ് മാനസികമായി പീഡിപ്പിച്ചതിനെ തുടര്‍ന്ന് യുവതി ജീവനൊടുക്കി. തിങ്കളാഴ്ച നന്ദിനി ലേഔട്ടിനടുത്തുള്ള ലഗ്ഗെരെയിയെ രക്ഷിത…
കെയ്റോ: ഇസ്രയേൽ-ഹമാസ് സംഘർഷങ്ങൾ അവസാനിപ്പിക്കാൻ അമേരിക്ക മുന്നോട്ടുവച്ച സമാധാന പദ്ധതിയുടെ ഭാഗമായി നടന്ന ആദ്യ ഘട്ട ചർച്ച അവസാനിച്ചു. ഈജിപ്ഷ്യന്‍ റിസോര്‍ട്ട്…
ബെംഗളൂരു: ധര്‍മസ്ഥല കേസില്‍ അന്വേഷണ റിപ്പോര്‍ട്ട് എത്രയും വേഗം സമര്‍പ്പിക്കാന്‍ പ്രത്യേക അന്വേഷണ സംഘത്തോട് (എസ്ഐടി) നിര്‍ദ്ദേശിച്ചതായി ആഭ്യന്തര മന്ത്രി…