ബെംഗളൂരു: മലബാർ മുസ്ലിം അസോസിയേഷന്റെ (എംഎംഎ) 90–ാം വാർഷികാഘോഷം മുഖ്യമന്ത്രി സിദ്ധരാമയ്യ ഉദ്ഘാടനം ചെയ്തു. പൊതുപ്രവർത്തന രംഗത്ത് 60 വർഷം പൂർത്തിയാക്കിയ എംഎംഎ പ്രസിഡന്റ് ഡോ.എൻ.എ. മുഹമ്മദിനെ ചടങ്ങിൽ സിദ്ധരാമയ്യ ആദരിച്ചു. എംഎംഎയുടെ വിദ്യഭ്യാസ, ജീവകാരുണ്യ പ്രവർത്തനങ്ങൾക്ക് സർക്കാർ സഹായം നൽകുമെന്നും ഇതിനായി സ്ഥലം കണ്ടെത്തിയാൽ സർക്കാർ ബജറ്റിൽ ഉൾപ്പെടുത്തുമെന്നും ഉപമുഖ്യമന്ത്രി ഡി.കെ. ശിവകുമാർ പറഞ്ഞു. ആഘോഷ സംഗമത്തിൽ മുഖ്യാതിഥിയായി സംസാരിക്കുകയായിരുന്നു അദ്ദേഹം.
സ്പീക്കർ യു.ടി. ഖാദർ, മന്ത്രിമാരായ രാമലിംഗ റെഡ്ഡി, ദിനേശ് ഗുണ്ടുറാവു, എച്ച്.സി. മഹാദേവപ്പ, എം സി സുധാകർ, എൻ.എ. ഹാരിസ് എം എൽ എ, നസീർ അഹ്മദ് എം.എൽ സി, മുൻ ധനകാര്യ സെക്രട്ടറി എൽ. കെ അത്വീഖ്, എം.എം.എ ജനറൽ സെക്രട്ടറി ടി. സിറാജ്, തുടങ്ങിയവർ പ്രസംഗിച്ചു. ട്രഷറർ കെ.എച്ച് ഫാറൂഖ്,
അഡ്വ. പി. ഉസ്മാൻ, അഡ്വ. ശക്കീൽ അബ്ദുറഹ്മാൻ, മുഹമ്മദ് തൻവീർ, കെ.സി. അബ്ദുൽ ഖാദർ, ശംസുദ്ധീൻ കൂടാളി, പി.എം. അബ്ദുൽ ലത്തീഫ് ഹാജി, സുബൈർ കായക്കൊടി തുടങ്ങിയവർ പരിപാടിക്ക് നേതൃത്വം നൽകി. തൊണ്ണൂറ് വർഷത്തെ ചരിത്ര പശ്ചാത്തല ഡോക്മെൻ്റ്റി പ്രദർശിപ്പിച്ചു. 90–ാം വാർഷിക സുവനീർ ചടങ്ങിൽ പ്രകാശനം ചെയ്തു. 90 വിദ്യാർഥികൾക്ക് സൈക്കിളുകളും 60 വിദ്യാർഥികൾക്ക് ലാപ് ടോപും വിതരണം ചെയ്തു.
SUMMARY: Government will provide assistance for MMA’s educational activities; Deputy Chief Minister DK Shivakumar
