ബെംഗളൂരു: കന്നഡ രാജ്യോത്സവത്തോടനുബന്ധിച്ച് സുവർണ മഹോത്സവ പുരസ്‌കാര ജേതാക്കളെ സംസ്ഥാന സർക്കാർ പ്രഖ്യാപിച്ചു. കന്നഡ സാംസ്കാരിക മന്ത്രി ശിവരാജ് എസ്. തങ്കദഗിയാണ് അവാർഡ് ജേതാക്കളുടെ പട്ടിക പുറത്തുവിട്ടത്. അയോധ്യയിലെ രാംലല്ല വിഗ്രഹത്തിന്റെ ശില്പി അരുൺ യോഗി രാജ് ഉൾപ്പെടെയുള്ളവരെയാണ് ഇത്തവണ രാജ്യോത്സവ പുരസ്കാരത്തിനായി തിരഞ്ഞെടുത്തത്. സംസ്ഥാന രൂപീകരണത്തിന്റെ 50–ാം വാർഷികത്തോടനുബന്ധിച്ചാണ് രാജ്യോത്സവ പുരസ്കാരത്തിന് സുവർണ മഹോത്സവ എന്ന് പേര് നൽകിയിരിക്കുന്നത്.
സേവാ സിന്ധു പോർട്ടലിലൂടെ 1,309 പേരെ ഉൾപ്പെടുത്തി സർക്കാരിന് ആകെ 1,575 ഓഫ്‌ലൈൻ അപേക്ഷകളും, 7,438 ഓൺലൈൻ നാമനിർദ്ദേശങ്ങളും ലഭിച്ചതായി മന്ത്രി തങ്കഡഗി പറഞ്ഞു. സമഗ്രമായ അവലോകനത്തിന് ശേഷം, സംസ്ഥാനത്തെ എല്ലാ ജില്ലകളിൽ നിന്നും പ്രാതിനിധ്യം ഉറപ്പാക്കുകയും 50 പേരെ പുരസ്കാരത്തിനായി തിരഞ്ഞെടുക്കുകയും ചെയ്‌തെന്ന് മന്ത്രി പറഞ്ഞു.
നവംബർ ഒന്നിന് സുവർണ വിധാൻ സൗധയിൽ നടക്കുന്ന പ്രത്യേക പരിപാടിയിൽ പുരസ്കാരങ്ങൾ സമ്മാനിക്കും. സാഹിത്യത്തിൽ എം. വീരപ്പ മൊയ്‌ലി, ബി. ടി. ലളിത നായിക്, ഫോക്ക് ആർട്സിൽ അശ്വ രാമണ്ണ, കുമാരയ്യ തുടങ്ങിയവരെയും, യക്ഷഗാനത്തിൽ സീതാരാം തോൽപാടി ഉൾപ്പെടെയുള്ളവരെയുമാണ് തിരഞ്ഞെടുത്തത്.
കല – സാംസ്‌കാരികം, കൃഷി, സ്പോർട്സ്, മാധ്യമ പ്രവർത്തനം, ആരോഗ്യം, സാഹിത്യം, സാമൂഹിക സേവനം, യക്ഷഗാനം, ശാസ്ത്ര – സാങ്കേതികം എന്നീ വിഭാഗങ്ങളിലായാണ് പുരസ്കാരം പ്രഖ്യാപിച്ചത്. ഹൊറനാട് വിഭാഗത്തിൽ രണ്ട് പേർക്കും പുരസ്കാരം ലഭിച്ചിട്ടുണ്ട്
TAGS: KARNATAKA | KANNADA RAJYOTSAVA
SUMMARY: Karnataka announces Rajyotsava Awardees names
പാലക്കാട്: കളിക്കുന്നതിനിടെ തോര്‍ത്ത് കഴുത്തില്‍ കുരുങ്ങി ഒമ്പതു വയസുകാരന്‍ മരിച്ചു. പാലക്കാട് നെല്ലായ പേങ്ങാട്ടിരി അംബേദ്കര്‍ നഗറില്‍ ചെറുവശ്ശേരി പള്ളിയാലില്‍…
ന്യൂഡല്‍ഹി: ബീഹാര്‍ നിയമസഭാ തിരഞ്ഞെടുപ്പിലെ തിളക്കമാര്‍ന്ന വിജയത്തെ പ്രശംസിച്ച് പ്രധാനമന്ത്രി നരേന്ദ്ര മോദി. ബിഹാറിലെ വിജയം സദ് ഭരണത്തിന്റെയും വികസനത്തിന്റെയും…
മുംബൈ: ആദ്യകാല ബോളിവുഡ് നായിക കാമിനി കൗശല്‍ (98) അന്തരിച്ചു. വ്യാഴാഴ്ച രാത്രി മുംബൈയിലെ വസതിയിലായിരുന്നു അന്ത്യം. ഏഴുപതിറ്റാണ്ടുകാലം ബോളിവുഡില്‍…
ബെംഗളൂരു: ശ്രീ അയ്യപ്പൻ എജുക്കേഷണൽ ഇൻസ്റ്റിറ്റ്യൂഷൻ ചാരിറ്റബിൾ ട്രസ്റ്റിന്റെ കീഴിലുള്ള ഇൻഡസ്ട്രിയൽ ട്രെയിനിങ് ഇൻസ്റ്റിറ്റ്യൂട്ട് (ഐ.ടി.ഐ.) കർണാടക ഗവൺമെന്റ് പ്രൈവറ്റ്…
ചെന്നൈ: നായയുടെ കടിയേറ്റ യുവാവ് മാസങ്ങൾക്ക് ശേഷം പേവിഷ ബാധയെ തുടർന്ന് മരിച്ചു. തമിഴ്നാട് കന്യാകുമാരി സ്വദേശി അയ്യപ്പൻ (31)…
കോഴിക്കോട്: കോര്‍പറേഷന്‍ തിരഞ്ഞെടുപ്പില്‍ യൂത്ത് ലീഗ് സംസ്ഥാന സെക്രട്ടറി അഡ്വ.ഫാത്തിമ തഹ്ലിയ മല്‍സരിക്കും. കുറ്റിച്ചിറ വാർഡിൽ നിന്നാകും മത്സരിക്കുക. ലീഗിന്റെ വിദ്യാര്‍ഥി…