ശക്തമായ മഴയ്ക്ക് സാധ്യത; ബെംഗളൂരുവിൽ നാളെ യെല്ലോ അലർട്ട്

ബെംഗളൂരു: ബെംഗളൂരുവിൽ വ്യാഴാഴ്ച അതിശക്തമായ മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. നഗരത്തിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്. ബെംഗളൂരുവിന്റെ വിവിധ ഭാഗഭങ്ങളിൽ മഴയോടൊപ്പം ഇടിമിന്നൽ, ശക്തമായ കാറ്റും ഉണ്ടാകും. വടക്കൻ കർണാടക, തെക്കൻ കർണാടക, തീരദേശ മേഖലകൾ എന്നിവിടങ്ങളിൽ സ്ഥിരതയില്ലാത്ത കാലാവസ്ഥക്ക് സാധ്യത ഉണ്ടെന്നും കാലാവസ്ഥാ കേന്ദ്രം അറിയിച്ചു.

ചില പ്രദേശങ്ങളിൽ മണിക്കൂറിൽ 30 മുതൽ 40 കിലോമീറ്റർ വരെ കാറ്റ് വീശാനും, മണിക്കൂറിൽ 50 കിലോമീറ്റർ വരെ കാറ്റ് വീശാനും സാധ്യതയുണ്ടെന്ന് ഐഎംഡി പ്രവചിച്ചിട്ടുണ്ട്. മെയ് 15,16 തീയതികളിൽ സംസ്ഥാനത്ത് ശക്തമായ ഇടിമിന്നലിനും തുടർച്ചയായ നിർത്താതെയുള്ള മഴക്കും സാധ്യതയുണ്ടെന്ന് കാലാവസ്ഥ വകുപ്പ് പറഞ്ഞു. നഗരത്തിലെ താഴ്ന്ന പ്രദേശങ്ങളിൽ വെള്ളക്കെട്ടും ചെറിയ തോതിലുള്ള പ്രാദേശിക വെള്ളപ്പൊക്കവും അനുഭവപെട്ടേക്കാം. കർണാടകത്തിന്റെ വിവിധ പ്രദേശങ്ങളിലും ബെംഗളൂരുവിന്റെ വിവിധ ജില്ലകളിലും ഇടിമിന്നലോടുകൂടിയ മഴ ഉണ്ടാകുമെന്ന് കർണാടക സംസ്ഥാന പ്രകൃതി ദുരന്ത നിരീക്ഷണ കേന്ദ്രം സ്ഥിതികരിച്ചിട്ടുണ്ട്.

നഗരത്തിൽ ഉച്ച കഴിഞ്ഞോ വൈകുന്നേരങ്ങളിലോ മഴ പെയ്യാൻ സാധ്യത കൂടുതലാണ്. മഴയോടൊപ്പം കാറ്റും ഉണ്ടാകും. ആളുകൾ ജാഗ്രത പാലിക്കണം, അതുപോലെ സുരക്ഷാ മുൻകരുതലുകളും എടുക്കണമെന്ന് സംസ്ഥാന പ്രകൃതി ദുരന്ത നിരീക്ഷണ കേന്ദ്രം പറഞ്ഞു.

TAGS: BENGALURU | RAIN
SUMMARY: Heavy rains predicted in Bengaluru, yellow alert declared