കനത്ത മഴ; ദക്ഷിണ കന്നഡ ജില്ലയിൽ റെഡ് അലർട്ട്, തീരദേശ മേഖലയിൽ 25 വരെ മഴ തുടരും

ബെംഗളൂരു: കനത്ത മഴ തുടരുന്നതിനാൽ ദക്ഷിണ കന്നഡ ജില്ലയിൽ റെഡ് അലർട്ട് പ്രഖ്യാപിച്ചു. മംഗളൂരു, ബണ്ട്വാൾ താലൂക്കുകളിൽ എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് അവധിയായിരിക്കും. കർണാടകയുടെ തീരദേശ മേഖലയിൽ 25 വരെ മഴ തുടരുമെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. മണിക്കൂറിനു 60 കിലോമീറ്റർ വരെ കാറ്റിനു സാധ്യതയുള്ളതിനാൽ മത്സ്യബന്ധനത്തിനു വിലക്കുണ്ട്.

ബെംഗളൂരുവിലും ഇന്നു മഴയ്ക്കു സാധ്യതയുണ്ട്. താപനില 19.6 ഡിഗ്രി സെൽഷ്യസ് മുതൽ 21.9 ഡിഗ്രി സെൽഷ്യസ് വരെ കുറയും. തുടർന്നുള്ള ദിവസങ്ങളിൽ മഴയ്ക്ക് ശമനമുണ്ടാകുമെന്നാണ് മുന്നറിയിപ്പ്.

SUMMARY: Heavy rains on coastal Karnataka till July 20.