ഡല്ഹി: ഇന്ത്യൻ ടെന്നീസ് താരമായ ലിയാൻഡർ പേസ് ബിജെപിയില് ചേർന്നു. പശ്ചിമ ബംഗാള് നിയമസഭാ തിരഞ്ഞെടുപ്പിന് മുന്നോടിയായിട്ടാണ് ലിയാൻഡർ പേസ് ഇന്ന് ബിജെപിയില് ചേർന്നത്. ഡല്ഹിയില് കേന്ദ്രമന്ത്രി കിരണ് റിജിജു ഉള്പ്പെടെയുള്ള മുതിർന്ന നേതാക്കളുടെ സാന്നിധ്യത്തിലാണ് പേസ് പാർട്ടിയില് ചേർന്നത്. കൊല്ക്കത്തയില് ബിജെപി അധ്യക്ഷൻ നിതിൻ നബിനുമായി ടെന്നീസ് താരം അടുത്തിടെ കൂടിക്കാഴ്ച നടത്തിയിരുന്നു.
2021ല് പേസ് തൃണമൂല് കോണ്ഗ്രസില് ചേരുകയും 2022 ലെ ഗോവ തിരഞ്ഞെടുപ്പില് പാർട്ടിക്കുവേണ്ടി പ്രചാരണം നടത്തുകയും ചെയ്തിരുന്നു. പ്രധാനമന്ത്രി നരേന്ദ്ര മോദിയുടെ നേതൃത്വത്തില് തനിക്ക് പൂർണ്ണ വിശ്വാസമുണ്ടെന്ന് അദ്ദേഹം പറഞ്ഞു. പശ്ചിമ ബംഗാളില് അധികാരം പിടിച്ചെടുക്കാൻ ബിജെപി പ്രചാരണം ശക്തമാക്കുന്ന സാഹചര്യത്തിലാണ് പേസിന്റെ രാഷ്ട്രീയ പ്രവേശനം.
സംസ്ഥാനത്ത് ഏപ്രില് 23, ഏപ്രില് 29 എന്നീ രണ്ട് ഘട്ടങ്ങളിലായാണ് തിരഞ്ഞെടുപ്പ് നടക്കുന്നത്. അതേസമയം പശ്ചിമ ബംഗാള് തിരഞ്ഞെടുപ്പിന് ശേഷം ഒഴിവുകള് വരികയാണെങ്കില് അദ്ദേഹത്തെ രാജ്യസഭാ സീറ്റിലേക്ക് പരിഗണിച്ചേക്കുമെന്ന് റിപ്പോര്ട്ടുകളുണ്ട്.
SUMMARY: Indian tennis legend Leander Paes joins BJP
