ബോംബ് ഭീഷണിയെത്തുടര്‍ന്ന് ഇന്‍ഡിഗോ വിമാനം അടിയന്തരമായി ഇറക്കി

ഡല്‍ഹി: ബോംബ് ഭീഷണിയെ തുടര്‍ന്ന് കൊച്ചിയില്‍ നിന്ന് ഡല്‍ഹിയിലേക്ക് പോയ ഇന്‍ഡിഗോ വിമാനം നാഗ്പൂര്‍ വിമാനത്താവളത്തില്‍ അടിയന്തരമായി ഇറക്കി. 6E2706 എന്ന വിമാനം രാവിലെ 9:20 ന് കൊച്ചി വിമാനത്താവളത്തില്‍ നിന്ന് പറന്നുയര്‍ന്ന് ഉച്ചയ്ക്ക് 12:35 ഓടെ ഡല്‍ഹിയില്‍ ഇറങ്ങേണ്ടതായിരുന്നു. യാത്രക്കാരെ നാഗ്പൂരില്‍ സുരക്ഷിതമായി ഇറക്കി, ഇപ്പോള്‍ അന്വേഷണം പുരോഗമിക്കുകയാണ്.

കൊച്ചി-ഡല്‍ഹി ഇന്‍ഡിഗോ വിമാനത്തില്‍ 157 യാത്രക്കാരാണ് ഉണ്ടായിരുന്നത്. വിമാനത്തിനുള്ളില്‍ ബോംബ് വെച്ചിട്ടുണ്ടെന്ന് ഇമെയില്‍ വഴിയാണ് ഭീഷണി സന്ദേശം ഇന്‍ഡിഗോയ്ക്ക് ലഭിച്ചത്.
യാത്രക്കാരുടെ സുരക്ഷ കണക്കിലെടുത്ത്, ഡോ. ബാബാസാഹേബ് അംബേദ്കര്‍ അന്താരാഷ്ട്ര വിമാനത്താവളത്തില്‍ അടിയന്തരമായി ഇറക്കി വിമാനം നാഗ്പൂരിലേക്ക് തിരിച്ചുവിടുകയായിരുന്നു.

SUMMARY: IndiGo flight makes emergency landing after bomb threat