അന്താരാഷ്ട്ര യോഗ ദിനാചരണം; വിധാൻസൗധയ്ക്കുമുൻപിൽ അയ്യായിരത്തോളം പേരുടെ യോഗ പ്രദർശനം.

ബെംഗളൂരു: അന്താരാഷ്ട്ര യോഗ ദിനാചരണത്തിന്റെ ഭാഗമായി ബെംഗളൂരു വിധാൻസൗധയ്ക്കുമുൻപിൽന നടന്ന യോഗ സംഗമത്തില്‍ അയ്യായിരത്തോളം പേര്‍ പങ്കെടുത്തു. കര്‍ണാടക ആയുഷ് വകുപ്പ് സംഘടിപ്പിച്ച പരിപാടി ഗവർണർ താവർ ചന്ദ് ഗഹ്‌ലോത് ഉദ്ഘാടനം ചെയ്തു. ഗവർണർ താവർ ചന്ദ് ഗഹ്‌ലോതും ആരോഗ്യമന്ത്രി ദിനേശ് ഗുണ്ടുറാവുവും ഇവർക്കൊപ്പം യോഗ ചെയ്തു. വിവിധ സിവില്‍ സൊസൈറ്റി ഗ്രൂപ്പുകള്‍, വെല്‍നസ് സംഘടനകള്‍തുടങ്ങി ഒട്ടേറെ സംഘടനകളുടെയും യോഗ ഗ്രൂപ്പുകളുടെയും സഹകരണത്തോടെയായിരുന്നു പരിപാടി സംഘടിപ്പിച്ചത്.

യോഗ കൂടുതൽ ആളുകളിലേക്ക് എത്താൻ ലക്ഷ്യമിട്ട് സംസ്ഥാനത്തെ സർക്കാർ ആശുപത്രികളിൽ യോഗ കേന്ദ്രങ്ങൾ സ്ഥാപിക്കുമെന്ന് ചടങ്ങിൽ സംസാരിച്ച ദിനേശ് ഗുണ്ടുറാവു അറിയിച്ചു.ജില്ലാ, താലൂക്ക് ആശുപത്രികളിലും സാമൂഹികാരോഗ്യ കേന്ദ്രങ്ങളിലും യോഗ കേന്ദ്രങ്ങൾ ആരംഭിക്കും. മൈസൂരു ജില്ലയെ യോഗ ജില്ലയാക്കിമാറ്റാനുള്ള പ്രവർത്തനങ്ങൾ നടന്നു വരുകയാണ്. ഇതിനുവേണ്ടി തയ്യാറാക്കിയ പദ്ധതി കേന്ദ്രസർക്കാരിന് സമർപ്പിച്ചിട്ടുണ്ടെന്നും മന്ത്രി പറഞ്ഞു.
SUMMARY: International Yoga Day; Yoga exhibition of about five thousand people in front of Vidhansaudha.