സ്വർണക്കടത്ത് കേസ്; കേരളത്തിലെ വ്യവസായിയും നിരീക്ഷണത്തിൽ

ബെംഗളൂരു: കന്നഡ നടി രന്യ റാവു ഉൾപ്പെട്ട സ്വർണക്കടത്ത് കേസിൽ കേരളത്തിലെ പ്രമുഖ വ്യവസായിയും ഇഡി നിരീക്ഷണത്തിൽ. സ്വർണക്കടത്തുമായി ബന്ധപ്പെട്ട് അനധികൃത പണമിടപാട് നടന്നെന്ന് തെളിഞ്ഞതോടെയാണ് കേസിൽ ഇഡിയും ഇടപെട്ടത്. കർണാടകയിലും കേരളത്തിലും പ്രവർത്തിക്കുന്ന ആഭരണ സ്ഥാപനത്തിന്റെ ഉടമയും കേസിൽ ഉൾപ്പെട്ടതായാണ് ഇഡി വൃത്തങ്ങൾ നൽകുന്ന സൂചന.

നിലവിൽ ഡിആർഐ, സിബിഐ എന്നീ ഏജൻസികളും കേസ് അന്വേഷിക്കുന്നുണ്ട്. അനധികൃത പണമിടപാടുമായി ബന്ധപ്പെട്ട് രന്യയുടെ ഫ്ലാറ്റിൽ ഇഡി റെയ്ഡ് നടത്തിയിരുന്നു. ലാവെല്ലെ റോഡ്, കോറമംഗല, ഇന്ദിരാനഗർ തുടങ്ങിയ സ്ഥലങ്ങളിലുള്ള നടിയുടെ ഫ്ലാറ്റിൽ വെള്ളിയാഴ്ച രാവിലെ 9 മുതൽ രാത്രി 9.30 വരെയാണ് ഇ.ഡി. പരിശോധന നടത്തിയത്. നിരവധി നിർണായക രേഖകൾ ഇവിടെ നിന്ന് ഉദ്യോഗസ്ഥർ പിടിച്ചെടുത്തിട്ടുണ്ട്. സിനിമാ താരങ്ങളുമായും രാഷ്ട്രീയക്കാരുമായും ബന്ധമുള്ള റിയൽ എസ്റ്റേറ്റ് ഏജന്റും കേസിൽ ഉൾപ്പെട്ടിട്ടുണ്ട്.

TAGS: RANYA RAO | GOLD SMUGGLING
SUMMARY: Kerala Businessman on ED radar, Ranya Rao’s Benngaluru flat raided