ധരംശാല: ഐപിഎല്ലിൽ പഞ്ചാബ് കിങ്‌സിനെ കീഴടക്കി ആർസിബി പ്ലേ ഓഫിലെത്തി. 23 റൺസിനാണ് ടീമിന്റെ ജയം. ബെംഗളൂരു ഉയർത്തിയ 223 റൺസ് വിജയലക്ഷ്യത്തിലേക്ക് ബാറ്റിങ്ങിന് ഇറങ്ങിയ പഞ്ചാബിന് നിശ്ചിത 20 ഓവറിൽ എട്ടുവിക്കറ്റ് നഷ്ടത്തിൽ 199 റൺസെടുക്കാനേ ആയുള്ളൂ. ആദ്യം ബാറ്റുചെയ്ത ബെംഗളൂരുവിന് വിരാട് കോലി, വെങ്കടേഷ് അയ്യർ എന്നിവരുടെ അർധസെഞ്ചുറികളാണ് തുണയായത്.
സ്കോർ: ആർസിബി 20 ഓവറിൽ 222/4; പഞ്ചാബ് കിങ്സ് 20 ഓവറിൽ 199/8
കോലിയും വെങ്കടേഷ് അയ്യരും ചേർന്ന് മൂന്നാം വിക്കറ്റിൽ മികച്ച കൂട്ടുകെട്ടുണ്ടാക്കി. അതോടെ സ്കോർ 150 കടന്നു. കോലി 37 പന്തിൽ നിന്ന് 58 റൺസെടുത്ത് മടങ്ങി. വെങ്കടേഷ് അയ്യർ തകർത്തടിച്ചതോടെയാണ് സ്കോർ 200 കടക്കുന്നത്. ടിം ഡേവിഡ് 12 പന്തിൽ നിന്ന് 28 റൺസെടുത്ത് മടങ്ങി. വെങ്കടേഷ് അയ്യർ 40 പന്തിൽ നിന്ന് 73 റൺസെടുത്ത് പുറത്താവാതെ നിന്നു.
മറുപടി ബാറ്റിങ്ങിനിറങ്ങിയ പഞ്ചാബ് തുടക്കത്തിൽ തന്നെ വിയർത്തു. 19 റൺസിനിടെ മൂന്ന് വിക്കറ്റുകളാണ് ടീമിന് നഷ്ടമായത്.പ്രിയാൻഷ് ആര്യ(0), പ്രഭ്‌സിമ്രാൻ സിങ്(2), ശ്രേയസ് അയ്യർ(1) എന്നിവർ നിരാശപ്പെടുത്തി. പിന്നീട് മധ്യനിര പൊരുതിയെങ്കിലും ടീമിനെ ലക്ഷ്യത്തിലെത്തിക്കാനായില്ല. കൂപ്പർ കൊണോലി(37), സൂര്യാൻഷ് ഷെഡ്‌ഗെ(35), മാർക്കസ് സ്‌റ്റോയിനിസ്(37) എന്നിവർ പൊരുതിയെങ്കിലും ആർസിബിയുടെ കൂറ്റൻ സ്കോർ എത്തിപ്പിടിക്കാൻ പര്യാപ്തമായില്ല.
SUMMARY: IPL; RCB suffers sixth consecutive defeat in play-offs for Punjab
