ജന്മദിനത്തില്‍ അതിഗംഭീര ലുക്കില്‍ ജഗതി ശ്രീകുമാര്‍

കൊച്ചി: നടൻ ജഗതി ശ്രീകുമാറിന്‍റെ 74-ാം ജന്മദിനമാണ് ഇന്ന്. ഒരു അപകടത്തെ തുടര്‍ന്ന് സിനിമ രംഗത്ത് നിന്നും അദ്ദേഹം പൂര്‍ണമായും വിട്ടു നില്‍ക്കുകയായിരുന്നു അദ്ദേഹം. 2022 ല്‍ സിബിഐ 5- ദി ബ്രെയ്ൻ എന്ന ചിത്രത്തില്‍ ജഗതി ശ്രീകുമാർ മുഖം കാണിച്ചിരുന്നു. ഇപ്പോഴിതാ ആരാധകർക്കുള്ള സന്തോഷ വാർത്തയാണ് പുറത്തുവരുന്നത്.

പിറന്നാള്‍ ദിനത്തിലാണ് ആരാധകർക്ക് അദ്ദേഹത്തിന്റെ തിരിച്ചുവരവ് പിറന്നാള്‍ സമ്മാനമായി നല്‍കുന്നത്. അരുണ്‍ ചന്ദു സംവിധാനം ചെയ്യുന്ന വല എന്ന ചിത്രത്തിലൂടെയാണ് ജഗതി ശ്രീകുമാർ വൻ തിരിച്ചുവരവ് നടത്തുന്നത്. കെ മധു സംവിധാനം ചെയ്‌ത സിബിഐ അഞ്ചാം ഭാഗത്തില്‍ ജഗതി അഭിനയിച്ചിരുന്നു.

നടൻ അജു വർഗീസാണ് ഒരു ഇടവേളയ്ക്ക് ശേഷം ജഗതി മലയാള സിനിമയിലേക്ക് തിരിച്ചെത്തുന്നു എന്ന വാർത്ത സമൂഹമാധ്യമങ്ങളിലൂടെ പങ്കുവച്ചത്. വിഖ്യാതനായ ബ്രിട്ടിഷ് ഭൗതികശാസ്ത്രജ്ഞനും പ്രപഞ്ച ശാസ്ത്രജ്ഞനുമായ സ്റ്റീഫൻ ഹോക്കിങിനെ അനുസ്മരിപ്പിക്കുന്ന വിധത്തിള്ള ജഗതിയുടെ പോസ്റ്ററാണ് പുറത്ത് വിട്ടിരിക്കുന്നത്.

വീല്‍ ചെയറിലിരിക്കുന്ന, പാറിപ്പറന്ന നരച്ച തലമുടിയും കറുത്ത കണ്ണടയുമായി, സ്യൂട്ട് ധരിച്ച്‌ ഇതുവരെ കാണാത്ത വ്യത്യസ്തമായ അടിമുടി പുതുമയുള്ള ലുക്കിലാണ് ചിത്രത്തില്‍ ജഗതി ശ്രീകുമാർ എത്തുക എന്ന് പോസ്റ്ററില്‍ നിന്ന് നമുക്ക് വ്യക്തമാകും. ഗഗനചാരി എന്ന ചിത്രത്തിലൂടെ മലയാള സിനിമയ്ക്ക് ഒരു ജോണർ പരിചയപ്പെടുത്തിക്കൊടുത്ത സംവിധായകനാണ് അരുണ്‍ ചന്തു.

TAGS : ENTERTAINMENT
SUMMARY : Jagathy Sreekumar in an extravagant look on her birthday