ബെംഗളരൂ: സിനിമാ ഗാനത്തിലെ വരികൾ ലൈംഗിക ചുവയുള്ളതും കടുത്ത ആശ്ലീലതയും ചൂണ്ടിക്കാട്ടി പ്രതിഷേധം ഉയര്ന്നതോടെ നടപടിയുമായി കേന്ദ്ര സര്ക്കാര്. ധ്രുവ സർജ്ജയും ബോളിവുഡ് നടൻ സഞ്ജയ് ഖാനും പ്രധാന വേഷങ്ങളില് എത്തുന്ന കന്നഡ ചിത്രം ‘കെ. ഡി. ദ് ഡെവിൾ’ ചിത്രത്തിലെ ഗാനമാണ് നിരോധിച്ചത്. ദ്വയാർഥപ്രയോഗങ്ങളുള്ള വരികൾക്കെതിരേ ഉത്തരേന്ത്യയിലടക്കം പ്രതിഷേധമുയർന്നതോടെയാണ് നടപടി. അഭിപ്രായസ്വാതന്ത്ര്യത്തിൻ്റെ പേരിൽ സമൂഹത്തെയും സംസ്സാരത്തെയും ബാധിക്കുന്ന നടപടികൾ അനുവദിക്കാൻകഴിയില്ലെന്നും അതിനാലാണ് നിരോധനമെന്നും കേന്ദ്ര വാർത്താവി നിമയമന്ത്രി അശ്വനി വൈഷ്ണവ് അറിയിച്ചു.
‘സർക്കെ ചുനാർ തേരി സർക്കെ’ എന്ന ഹിന്ദി ഗാനത്തിലെ വരികളും രംഗങ്ങളുമാണ് വൻ വിവാദമായത്. ഗാനത്തിനെതിരെ ദേശീയ മനുഷ്യാവകാശ കമ്മീഷൻ (എൻഎച്ച്ആർസി) നോട്ടീസ് അയച്ചിരുന്നു. കർണാടക സംസ്ഥാന വനിതാകമ്മിനും ഹരിയാണ വനിതാകമ്മിഷനും ഇതിനെതിരേ രംഗത്തുവന്നു. ഗാനം വിവാദമായതോടെ എല്ലാ പ്ലാറ്റ്ഫോമുകളിൽ നിന്നും നീക്കം ചെയ്തു.
സഞ്ജയ് ദത്തും നടി നോറ ഫതേഹിയും പ്രത്യക്ഷപ്പെടുന്ന ഈ ഗാനം റിലീസ് ചെയ്തതു മുതൽ വലിയ വിമർശനങ്ങൾ ഏറ്റുവാങ്ങിയിരുന്നു. വരികളിലെ ലൈംഗിക ചുവക്ക് പുറമേ ഗാനത്തിലെ രംഗങ്ങളും വലിയ വിവാദമായി. റഖീബ് ആലമാണ് ഗാനത്തിന്റെ വരികളെഴുതിയത്. പ്രേം സംവിധാനം ചെയ്ത ചിത്രം അടുത്തമാസമാണ് റിലീസ് ചെയ്യുന്നത്.
SUMMARY: Kannada film ‘KD: The Devil’ song banned due to obscene lyrics
