ബെംഗളൂരു: വിബി ജി റാം ജി പദ്ധതി (VB-G RAM G Act)ക്കെതിര നിയമസഭയില്‍ പ്രമേയം അവതരിപ്പിച്ച് കർണാടക. പദ്ധതി പിൻവലിച്ച് മഹാത്മാഗാന്ധി ദേശീയ ഗ്രാമീണ തൊഴിലുറപ്പുപദ്ധതി (MGNREGA) പുനരാരംഭിക്കണമെന്നു പ്രമേയത്തില്‍ കേന്ദ്രസർക്കാറിനോട് ആവശ്യപ്പെട്ടു. മുഖ്യമന്ത്രി സിദ്ധരാമയ്യയാണ് സംയുക്ത നിയമസഭാ സമ്മേളനത്തില്‍ പ്രമേയം അവതരിപ്പിച്ചത്. പ്രതിപക്ഷകക്ഷിയായ ബി.ജെ.പിയുടെ കടുത്ത പ്രതിഷേധത്തിനിടെയാണ് പ്രമേയം അവതരിപ്പിച്ചത്.
ഗ്രാമീണ ജനതയുടെ ജീവിക്കാനുള്ള അവകാശം സംരക്ഷിക്കാൻ വിബി ജി റാംജി പദ്ധതി പിൻവലിച്ച് തൊഴിലുറപ്പുപദ്ധതി കേന്ദ്രസർക്കാർ ഉടൻ നടപ്പാക്കണമെന്ന് പ്രമേയത്തിൽ ആവശ്യപ്പെട്ടു. ഗ്രാമപ്പഞ്ചായത്തുകളുടെ അധികാരവും അവകാശങ്ങളും എടുത്തുമാറ്റുന്നതുമാണ് വിബി ജി റാം ജി പദ്ധതിയെന്ന് പ്രമേയത്തിൽ കുറ്റപ്പെടുത്തി. മഹാത്മാഗാന്ധി ദേശീയ ഗ്രാമീണ തൊഴിലുറപ്പുപദ്ധതി പുനരാരംഭിക്കാനാവശ്യപ്പെട്ട് പ്രമേയം പാസാക്കാൻ ലക്ഷ്യമിട്ടാണ് നിയമസഭയുടെ പ്രത്യേക സംയുക്തസമ്മേളനം വിളിച്ചുചേർത്തത്. സമ്മേളനം നാളെ സമാപിക്കും.
SUMMARY: Karnataka introduces resolution in assembly against VB-G Ram Act
