കാസറഗോഡ്: പത്താം ക്ലാസുകാരി പ്രസവിച്ച സംഭവത്തില് സ്വന്തം പിതാവ് കസ്റ്റഡിയില്. കർണാടക കുടക് സ്വദേശിയായ 48 കാരനെയാണ് കസ്റ്റഡിയില് എടുത്തത്. വിദേശത്തായിരുന്ന പ്രതിയെ പോലീസ് വിളിച്ച് വരുത്തി കസ്റ്റഡിയിലെടുക്കുകയായിരുന്നു. കഴിഞ്ഞ ബുധനാഴ്ചയാണ് പത്താം ക്ലാസുകാരി കാഞ്ഞങ്ങാട്ടെ ആശുപത്രിയില് പ്രസവിച്ചത്.
തുടർന്ന് ആശുപത്രി അധികൃതർ ഹോസ്ദുർഗ് പോലീസിനെ വിവരം അറിയിക്കുകയായിരുന്നു. പോലീസ് നടത്തിയ അന്വേഷണമാണ് പെണ്കുട്ടിയുടെ പിതാവിലേക്ക് എത്തിയത്. വിവാഹത്തിന് ശേഷമാണ് ഇയാള് കാഞ്ഞങ്ങാടാണ് താമസം തുടങ്ങിയത്. പെണ്കുട്ടി ഗർഭിണിയായതിന് ശേഷമാണ് ഇയാള് വിദേശത്തേക്ക് കടന്നതെന്നാണ് വിവരം.
പെണ്കുട്ടിയുടെ പ്രസവ സമയത്ത് മാതാവും കൂടെയുണ്ടായിരുന്നു. എന്നാല് മാതാവ് പോലീസ് അന്വേഷണത്തോട് സഹകരിച്ചിരുന്നില്ല. പെണ്കുട്ടി ആരോഗ്യം മെച്ചപ്പെട്ടതിന് പിന്നാലെ മജിസ്രേട്ടിന് മൊഴി നല്കിയിരുന്നു. ഇതിന്റെ അടിസ്ഥാനത്തിലാണ് പിതാവാണെന്ന് പോലീസ് ഉറപ്പിച്ചത്.
SUMMARY: Kasaragod 10th class girl gives birth; father in custody
