തിരുവനന്തപുരം: കേരളത്തിൽ സ്വർണവില സർവകല റെക്കോർഡിൽ. പവന്റെ വിലയില്‍ ഒറ്റയടിക്ക് 1400 രൂപയുടെ വർധനവാണ് രേഖപ്പെടുത്തിയത്. ഇതോടെ സ്വർണം പവന് 1,06,840 രൂപയെന്ന പുതിയ ഉയരത്തിലെത്തി. ഗ്രാമിന് 175 രൂപ ഉയർന്നതോടെ ഒരു ഗ്രാം സ്വർണത്തിന്റെ വില 13,355 രൂപയായും വർധിച്ചു. 18 കാരറ്റ് സ്വർണത്തിന്റെ വിലയിലും ഗ്രാമിന് 140 രൂപയുടെ മാറ്റമുണ്ടായി; 11,060 രൂപയാണ് ഇതിന്റെ പുതിയ നിരക്ക്.
അന്താരാഷ്ട്ര വിപണിയിലുണ്ടായ അപ്രതീക്ഷിത വിലവർധനവാണ് കേരളത്തിലും സ്വർണവില കുതിച്ചുയരാൻ കാരണമായത്. ആഗോള വിപണിയില്‍ സ്പോട്ട് ഗോള്‍ഡിന്റെ വിലയില്‍ 1.5 ശതമാനം വർധനവുണ്ടായതോടെ ഒരു ഔണ്‍സ് സ്വർണത്തിന്റെ വില 4,663.37 ഡോളറിലെത്തി.
SUMMARY: Gold rate is increased
