ബെംഗളൂരു : കർണാടക നായർ സർവീസ് സൊസൈറ്റി ഹൊറമാവ് കരയോഗത്തിന്റെ വാർഷിക കുടുംബ സംഗമം ‘തരംഗം 2025’ രാമമൂർത്തി നഗറിലെ നാട്യപ്രിയ നൃത്യക്ഷേത്രയിൽ നടന്നു. മഹിളാവിഭാഗം അംഗനയുടെയും യുവജനവിഭാഗം യുവചേതനയുടെയും കുടുംബാംഗങ്ങളുടെയും കുട്ടികളുടെയും വിവിധ കലാപരിപാടികൾ, മലയാളം മിഷൻ കുട്ടികളുടെ സ്കിറ്റ്, കോഴിക്കോട് ടൈംസ് ജോക്സിന്റെ മെഗാഷോ എന്നിവയും ഉണ്ടായിരുന്നു. സംസ്ഥാന കലോത്സവ, കായികമത്സര വിജയികൾക്ക് സമ്മാനങ്ങൾനൽകി. കഴിഞ്ഞ അധ്യയന വർഷം ഉന്നതവിജയംനേടിയ വിദ്യാർഥികൾക്കും മലയാളം മിഷൻ പരീക്ഷകളിൽ ഉന്നതവിജയംനേടിയ കുട്ടികൾക്കും അവാർഡുകൾ സമ്മാനിച്ചു.
കെ.എൻ.എസ്.എസ്. ചെയർമാൻ ആർ. മനോഹരക്കുറുപ്പ്, ജനറൽ സെക്രട്ടറി ടി.വി. നാരായണൻ, ഖജാൻജി എൻ. വിജയ് കുമാർ, മഹിളാ കൺവീനർ ശോഭന രാംദാസ്, മുൻ ചെയർമാൻ രാമചന്ദ്രൻ പലേരി, രക്ഷാധികാരി എം.ആർ. രാധാകൃഷ്ണൻ, വൈസ് ചെയർമാൻമാരായ കെ.വി. ഗോപാലകൃഷ്ണൻ, ജി. മോഹൻകുമാർ, ജോ. ജനറൽ സെക്രട്ടറിമാരായ എസ്. ഹരീഷ് കുമാർ, സി.ജി. ഹരികുമാർ, ജോ. ഖജാൻജി എം.പി. പ്രദീപൻ എന്നിവരെ ആദരിച്ചു. പ്രോഗ്രാം കൺവീനർ ആനന്ദകൃഷ്ണൻ, കരയോഗം പ്രസിഡന്റ് മധു നായർ, സെക്രട്ടറി ശ്രീകുമാർ, ഖജാൻജി പ്രവീൺ, മുൻ വൈസ് ചെയർമാൻ ഡോ. മോഹനചന്ദ്രൻ എന്നിവർ പരിപാടികൾക്ക് നേതൃത്വം നൽകി.
<BR>
TAGS : KNSS
