KARNATAKA

ലോകത്തിലാദ്യം: കോലാർ സ്വദേശിനിയിൽ പുതിയ രക്തഗ്രൂപ്പ് കണ്ടെത്തി

ബെംഗളൂരു: ലോകത്ത് മുൻപെങ്ങും കണ്ടെത്തിയിട്ടില്ലാത്ത പുതിയ രക്തഗ്രൂപ്പ് കോലാർ സ്വദേശിനിയിൽ കണ്ടെത്തി. ശ്രീനിവാസപുർ സ്വദേശിയായ 38 വയസ്സുകാരിക്കാണ് ക്രിബ്(CRIB) എന്നു പേരു നൽകിയ ആന്റിജൻ രക്തഗ്രൂപ്പ്  കണ്ടെത്തിയത്. ഇതിൽ CR ക്രോമറിനെയും I ഇന്ത്യയെയും B ബെംഗളൂരുവിനെയും പ്രതിനിധീകരിക്കുന്നു.

ഹൃദയശസ്ത്രക്രിയയ്ക്കാണ് യുവതിയെ ആശുപത്രിയിൽ പ്രവേശിപ്പിച്ചത്. ഒ ആർഎച്ച്+ രക്തഗ്രൂപ്പായിരുന്നു ഇവരുടേതെന്നായിരുന്നു കരുതിയിരുന്നത്. എന്നാൽ ലഭ്യമായ ഒ പോസിറ്റീവ് രക്തമൊന്നും ഇവരുടേതുമായി പൊരുത്തപ്പെട്ടില്ല. ഇതോടെ രക്തസാമ്പിളുകൾ ബെംഗളൂരുവിലെ ടിടികെ ബ്ലഡ് സെന്ററിലെ അഡ്വാൻസ്ഡ് ഇമ്യൂണോഹെമറ്റോളജി റഫറൻസ് ലബോറട്ടറിയിലേക്ക് കൈമാറി. ഇവിടെ അത്യാധുനിക സീറോളജിക്കൽ പരിശോധന നടത്തി.

തുടർന്ന് വിശദ പഠനത്തിനായി സാമ്പിളുകൾ ഇംഗ്ലണ്ടിലെ ഇന്റർനാഷനൽ ബ്ലഡ് ഗ്രൂപ്പ് റഫറൻസ് ലബോറട്ടറിക്കു അയച്ചു. യുവതിയുടെ ഇരുപതോളം ബന്ധുക്കളുടെ സാമ്പിളുകളും പരിശോധനയ്ക്കു ഉപയോഗിച്ചു. 10 മാസത്തോളം നീണ്ടു നിന്ന പരിശോധനയ്ക്കൊടുവിലാണ് അപൂർവ രക്തഗ്രൂപ്പാണ് യുവതിയുടേതെന്ന് സ്ഥിരീകരിച്ചത്.

കഴിഞ്ഞ ജൂണിൽ ഇറ്റലിയിലെ മിലാനിൽ നടന്ന ഇന്റർനാഷനൽ സൊസൈറ്റി ഓഫ് ബ്ലഡ് ട്രാസ്ഫ്യൂഷന്റെ (ഐഎസ്ബിടി) 35-ാമത് കോൺഗ്രസിൽ ഇതുസംബന്ധിച്ച പ്രഖ്യാപനവും നടത്തി. അപൂർവ രക്തഗ്രൂപ്പുകളെക്കുറിച്ചുള്ള പഠനത്തിൽ നാഴികക്കല്ലാണ് കണ്ടെത്തലെന്ന് ഗവേഷകർ ചൂണ്ടിക്കാട്ടുന്നു.

SUMMARY: Kolar woman’s rare, unique blood group named ‘CRIB’.

WEB DESK

Recent Posts

നിയന്ത്രണം വിട്ട ബസ് മതിലില്‍ ഇടിച്ചുകയറി; കുട്ടി മരിച്ചു, നിരവധി പേര്‍ക്ക് പരുക്ക്

ബെംഗളൂരു: ഹുലിക്കൽ ഘട്ട് റോഡിൽ നിയന്ത്രണം വിട്ട ബസ് മതിലിൽ ഇടിച്ച് ഒരു കുട്ടി മരിക്കുകയും നിരവധി പേർക്ക് പരുക്കേൽക്കുകയും…

56 minutes ago

സൗദി അറേബ്യയുടെ ആക്രമണത്തിന് പിന്നാലെ യെമനിൽ അടിയന്തരാവസ്ഥ, അതിർത്തികൾ അടച്ചു

സന: തുറമുഖ നഗരമായ മുഖല്ലയ്ക്ക് നേരെയുണ്ടായ സൗദി അറേബ്യയുടെ ആക്രമണത്തിന് പിന്നാലെ യെമനിൽ അടിയന്തരാവസ്ഥ പ്രഖ്യാപിച്ചു .ചൊവ്വാഴ്ചയാണ് മുകല്ലയ്ക്ക് നേരെ…

1 hour ago

അന്ധകാര നിർമ്മിതികളെ അതിജീവിക്കണം- കെ. ആർ. കിഷോർ

ബെംഗളൂരു: സത്യം മറയ്ച്ചു, പകരം വികാരം വിശ്വാസം ആചാരം എന്നിവയെ പ്രതിഷ്ഠിച്ചു വെറുപ്പും വിദ്വേഷവുംപ്രചരിപ്പിക്കുന്നഹൃദയശൂന്യമായ കാല ത്തെയാണ് "സത്യാനന്ത രകാല"മെന്നു വിവക്ഷിക്കപ്പെടുന്നതെന്നും,…

1 hour ago

ധർമടം മുൻ എംഎൽഎ കെ കെ നാരായണൻ അന്തരിച്ചു

കണ്ണൂര്‍: മുന്‍ ധർമടം എംഎല്‍എയും മുതിര്‍ന്ന സിപിഐഎം നേതാവുമായ കെ കെ നാരായണന്‍ അന്തരിച്ചു. 77 വയസായിരുന്നു. മുണ്ടലൂർ എൽപി…

2 hours ago

കോ​ഴി​ക്കോ​ട്ട് വ്യൂ ​പോ​യിന്റില്‍ നി​ന്നു വീ​ണ് യു​വാ​വ് മ​രി​ച്ചു

കോഴിക്കോട്: കരിപ്പൂർ വിമാനത്താവളത്തിലെ കാഴ്ചകൾ കാണാൻ സുഹൃത്തുക്കൾക്കൊപ്പം എത്തിയ യുവാവ് വെങ്കുളത്ത് വ്യൂ പോയിന്റിൽനിന്നു വീണു മരിച്ചു. മലപ്പുറം മുണ്ടുപറമ്പ്…

2 hours ago

അതിരപ്പിള്ളി വെള്ളച്ചാട്ടത്തിന് താഴെ പുഴയില്‍ ജലനിരപ്പ് ഉയര്‍ന്നു; പുഴയുടെ നടുവില്‍ കുടുങ്ങി വിനോദസഞ്ചാരികള്‍

തൃശൂര്‍: അതിരപ്പിള്ളി വെള്ളച്ചാട്ടത്തിന് സമീപം പുഴയില്‍ കുടുങ്ങിയ സഞ്ചാരികളെ സുരക്ഷിതമായി കരയ്‌ക്കെത്തിച്ചു. പുഴയില്‍ പെട്ടെന്ന് വെള്ളം ഉയര്‍ന്നതോടെ വിനോദയാത്രികര്‍ പുഴയ്ക്ക്…

2 hours ago