കെഎസ്ആർ അണക്കെട്ട് തുറന്നു; കൊല്ലെഗലിലെ ഒമ്പത് ഗ്രാമങ്ങളിൽ വെള്ളപ്പൊക്കം

ബെംഗളൂരു: കബനി, കൃഷ്ണരാജ സാഗർ (കെആർഎസ്) അണക്കെട്ടുകളിൽ നിന്ന് വെള്ളം തുറന്നുവിട്ടതിനെ തുടർന്ന് കൊല്ലേഗൽ താലൂക്കിലെ ഒമ്പത് ഗ്രാമങ്ങളിൽ വെള്ളപ്പൊക്കം. ഇവിടെയുള്ള മുഴുവൻ വീടുകളും വെള്ളത്തിനടിയിലായി. മുൻകരുതലിൻ്റെ ഭാഗമായി ജില്ലാ ഭരണകൂടം കുടുംബങ്ങളെ സുരക്ഷിത സ്ഥാനങ്ങളിലേക്ക് കഴിഞ്ഞ ദിവസം മാറ്റിയതോടെ വൻ ദുരന്തം ഒഴിവായി.

ദസനപുര, ഹരാലെ, മുള്ളൂർ, ഹലേ അനഗല്ലി, ഹലെ ഹമ്പപുര തുടങ്ങിയ ഗ്രാമങ്ങളിൽ നാലടിയോളം വെള്ളം കയറി. ദസനപുരയിൽ ചില വീടുകൾ തകർന്നു. ജില്ലാ ഭരണകൂടം താമസക്കാരെ മാറ്റുന്നുണ്ടെങ്കിലും ചില കുടുംബങ്ങൾ അവിടെത്തന്നെ തുടരാൻ താൽപ്പര്യപ്പെടുന്നതായാണ് വിവരം.

ജില്ലാ ഡെപ്യൂട്ടി കമ്മീഷണർ ശിൽപ നാഗ് ചില ദുരിതബാധിത ഗ്രാമങ്ങൾ സന്ദർശിച്ചു. ഇതുവരെ, 25 ദുരിതാശ്വാസ കേന്ദ്രങ്ങൾ തുറക്കുകയും 500 ലധികം ആളുകളെ അവിടേക്ക് മാറ്റുകയും ചെയ്തു. ഡ്രോൺ സർവേ നടത്തി കാർഷിക വയലുകളിലെ വെള്ളപ്പൊക്കത്തിൻ്റെ വ്യാപ്തി വിലയിരുത്തുമെന്ന് ഡെപ്യൂട്ടി കമ്മീഷണർ പറഞ്ഞു.

TAGS: KARNATAKA | FLOOD
SUMMARY: Nine villages in Kollegal taluk inundated by Cauvery, Kabini water