ബെംഗളൂരു: ബെംഗളൂരുവിൽ നിന്ന് ഒഡീഷയിലെ പുരിയിലേക്ക് സർവീസ് പ്രഖ്യാപിച്ച് കർണാടക ആർടിസി. ഭുവനേശ്വർ, കട്ടക്ക് എന്നീ നഗരങ്ങളിലേക്കും സർവീസ് ആരംഭിക്കാൻ കെഎസ്ആർടിസി പദ്ധതിയിടുന്നുണ്ട്.
തിരുപ്പതി, വിജയവാഡ, വിശാഖപട്ടണം വഴി 18 മണിക്കൂർ സഞ്ചരിക്കുന്ന സർവീസുകളാണ് ആർടിസി ലക്ഷ്യമിടുന്നത്. നിലവിൽ, ബെംഗളൂരുവിൽ നിന്ന് ഷിർദ്ദിയിലേക്കുള്ള 1,058 കിലോമീറ്ററാണ് നഗരത്തിൽ നിന്ന് നടത്തുന്ന ഏറ്റവും ദൈർഘ്യമേറിയ ബസ് സർവീസ്.
പുരിയിലെ ജഗന്നാഥ ക്ഷേത്രത്തിലേക്ക് ബസ് സർവീസ് ഏർപ്പെടുത്താൻ കെഎസ്ആർടിസിക്ക് നിരവധി നിവേദനങ്ങൾ ലഭിച്ചിട്ടുണ്ടെന്ന് ഗതാഗത മന്ത്രി രാമലിംഗ റെഡ്ഡി പറഞ്ഞു. ഇത് കെഎസ്ആർടിസിയുടെ ഏറ്റവും ദൈർഘ്യമേറിയ റൂട്ടായതിനാൽ പുതിയ യൂറോപ്യൻ ശൈലിയിലുള്ള, എയർകണ്ടീഷൻ ചെയ്ത സ്ലീപ്പർ അമ്പാരി ഉത്സവ് ബസുകൾ വിന്യസിക്കാനാണ് തീരുമാനമെന്ന് അദ്ദേഹം പറഞ്ഞു.
സർവീസ് നടത്തുന്നതിനായി ഒഡീഷ സ്റ്റേറ്റ് റോഡ് ട്രാൻസ്പോർട്ട് കോർപ്പറേഷനുമായി ചർച്ച പുരോഗമിക്കുകയാണ്. ബസ് റൂട്ട് കടന്നുപോകുന്ന ആന്ധ്രാപ്രദേശ്, തെലങ്കാന എന്നിവിടങ്ങളിൽ നിന്ന് കെഎസ്ആർടിസിക്ക് അനുകൂല പ്രതികരണങ്ങളും ലഭിച്ചതായി അദ്ദേഹം പറഞ്ഞു. ഈ റൂട്ടുകൾ ഒഡീഷയെ മാത്രമല്ല, ആന്ധ്രാപ്രദേശിലെ തിരുപ്പതി, വിജയവാഡ, വിശാഖപട്ടണം തുടങ്ങിയ പ്രധാന സ്ഥലങ്ങളെയും ബന്ധിപ്പിക്കുമെന്ന് അദ്ദേഹം കൂട്ടിച്ചേർത്തു.
TAGS: BENGALURU | KSRTC
SUMMARY: KSRTC announce bus service from bengaluru to puri
ബ്രാസാവിൽ: കിഴക്കന്‍ ഡെമോക്രാറ്റിക് റിപ്പബ്ലിക് ഓഫ് കോംഗോയിലെ കൊമാന്‍ഡയില്‍ ക്രിസ്ത്യൻ പള്ളിയ്ക്ക് നേരേ ഉണ്ടായ ഭീകരാക്രമണത്തില്‍ 38 പേര്‍ മരിച്ചതായി…
ബെംഗളൂരു: ദക്ഷിണ കന്നഡ ജില്ലയിലെ ധർമസ്ഥലയിൽ നൂറോളം യുവതികളെ രഹസ്യമായി കുഴിച്ചു മൂടിയെന്ന ശുചീകരണ തൊഴിലാളിയുടെ വെളിപ്പെടുത്തൽ അന്വേഷിക്കുന്ന പ്രത്യേക…
ബെംഗളൂരു: രാമേശ്വരം കഫേയിലെ തനതു ദക്ഷിണേന്ത്യൻ രുചി നുണയാനെത്തിയ ജനപ്രിയ ടെലിവിഷൻ പരമ്പര 'ഗെയിം ഓഫ് ത്രോൺസ്' താരം നിക്കൊളായ്…
പറവൂര്‍: പ്രതിപക്ഷ നേതാവ് വിഡി സതീശനെ വെല്ലുവിളിച്ച് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. നിയമസഭ തിരഞ്ഞെടുപ്പില്‍ യുഡിഎഫ്…
ബെംഗളൂരു: സംസ്ഥാനത്ത് കനത്ത മഴയ്ക്കു സാധ്യതയുള്ളതിനാൽ നാളെ 6 ജില്ലകളിൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചു. ഉത്തര…
മലപ്പുറം: മലപ്പുറം വേങ്ങര വെട്ട്‌തോട് കുളിക്കാന്‍ തോട്ടില്‍ ഇറങ്ങിയ വിദ്യാര്‍ഥി ഷോക്കേറ്റ് മരിച്ചു. കണ്ണമംഗലം അച്ഛനമ്പലം സ്വദേശി പുള്ളാട്ട് അബ്ദുള്‍…