മയാമി: ലിഗ്സ് കപ്പ് മത്സരത്തിനിടെ ഇന്റർമയാമിയുടെ സൂപ്പർതാരം ലയണൽ മെസിക്ക് പരുക്ക്. നെകാക്സക്കെതിരായ ഇന്റർമയാമിയുടെ മത്സരത്തിനിടെയാണ് സംഭവം. 11-ാം മിനിറ്റിൽ നെകാക്സയുടെ പെനാൽറ്റി ബോക്സിലേക്കു പന്തുമായി മുന്നേറുന്നതിനിടെയാണ് മെസിക്ക് വലതുകാലിൽ പരുക്കേറ്റത്. തുടർന്ന് വൈദ്യ സഹായം തേടിയ മെസി ക്യാപ്റ്റന്റെ ആംബാൻഡ് കൈമാറിയ ശേഷം മൈതാനം വിടുകയായിരുന്നു. നിശ്ചിത സമയത്തിൽ 2-2 സമനിലയിൽ അവസാനിച്ച മത്സരത്തിൽ പെനാൽറ്റി ഷൂട്ടൌട്ടിൽ ഇന്റർമയാമി ജയിച്ചു.
മെസിക്ക് പേശി വലിവ് അനുഭവപ്പെട്ടതായി ഇന്റർ മയാമി കോച്ച് ജാവിയർ മഷെറാനോ സ്ഥിരീകരിച്ചു. പരുക്ക് ഗുരുതരമാണോയെന്നു പരിശോധനകൾക്കു ശേഷമേ പറയാനാകൂവെന്നും അദ്ദേഹം പറഞ്ഞു.
പരുക്ക് ഗുരുതരമല്ലെന്ന റിപ്പോർട്ടുകളാണ് പുറത്തു വരുന്നത്. എന്നാൽ ലീഗ്സ് കപ്പിലെയും എംഎൽഎസിലെയും വരാനിരിക്കുന്ന മത്സരങ്ങളിൽ മെസിക്കു കളിക്കാനാകുമോയെന്നു വ്യക്തമല്ല. സീസണിൽ ഇതുവരെ ഇന്റർമയാമിക്കായി 18 ഗോളുകളും 9 അസിസ്റ്റുകളും മെസി നേടിയിട്ടുണ്ട്.
SUMMARY: Lionel Messi exits early with injury in Inter Miami’s Leagues Cup match.
