ബെംഗളൂരു: അനധികൃത സ്വത്തുസമ്പാദനക്കേസുകളുമായി ബന്ധപ്പെട്ട് കര്‍ണാടകയിലെ ഏഴ് സര്‍ക്കാര്‍ ഉദ്യോഗസ്ഥരെ ലക്ഷ്യമിട്ട് ലോകായുക്ത ഉദ്യോഗസ്ഥര്‍ 32 സ്ഥലങ്ങളില്‍ റെയ്ഡ് നടത്തി. വീടുകളിലും സ്ഥാപനങ്ങളിലുമാണ് ഇന്നലെ പരിശോധന നടത്തിയത്. ഉദ്യോഗസ്ഥര്‍ വരുമാന സ്രോതസ്സുകള്‍ക്ക് അനുസൃതമല്ലാത്ത സ്വത്തുക്കള്‍ സമ്പാദിക്കുന്നതായുള്ള രഹസ്യ വിവരത്തെ തുടര്‍ന്നാണ് റെയ്ഡുകള്‍ നടന്നത്.
വ്യാഴാഴ്ച രാവിലെ മുതല്‍ ആരംഭിച്ച പരിശോധനയില്‍ ഓഫീസര്‍മാരുടെ വരവില്‍ കവിഞ്ഞ സ്വത്തിന്റെ ഒട്ടേറെ രേഖകള്‍ പിടിച്ചെടുത്തതായാണ് വിവരം. തുമകൂരുവിലെ നിര്‍മിത കേന്ദ്ര പ്രോജക്ട് ഡയറക്ടര്‍ രാജശേഖര്‍, ദക്ഷിണ കന്നഡ സര്‍വേ സൂപ്പര്‍വൈസര്‍ മഞ്ജുനാഥ്, വിജയപുരയിലെ ഡോ. ബി.ആര്‍. അംബേദ്കര്‍ അഭിവൃദ്ധി നിഗമയിലെ രേണുകാ സാറ്റര്‍ലെ, ബെംഗളൂരു അര്‍ബന്‍ ആന്‍ഡ് റൂറല്‍ പ്ലാനിങ് ഡയറക്ടറേറ്റ് അഡീഷണല്‍ ഡയറക്ടര്‍ ടി.വി. മുരളി, ബെംഗളൂരുവിലെ ലീഗല്‍ മെട്രോളജി വിഭാഗം ഇന്‍സ്‌പെക്ടര്‍ എച്ച്.ആര്‍. നടരാജ്, ഹെസപേട്ട് താലൂക്ക് ഓഫീസിലെ സെക്കന്‍ഡ് ഡിവിഷന്‍ അസിസ്റ്റന്റ് ആനന്ദ്കുമാര്‍, യാദ്ഗിര്‍ ശഹപുര്‍ താലൂക്കിലെ ഉമാകാന്ദ് എന്നിവര്‍ക്കെതിരേയാണ് പരിശോധന നടന്നത്. ബെംഗളൂരുവില്‍ 12 , തുമകുരുവില്‍ ഏഴ്, യാദ്ഗിറില്‍ അഞ്ച്, മംഗളൂരുവില്‍ നാല്, വിജയപുര ജില്ലയില്‍ നാല് എന്നിങ്ങനെ സ്ഥലങ്ങളിലാണ് റെയ്ഡുകള്‍ നടന്നത്.
പരിശോധനയില്‍ കണ്ടെത്തിയ അനധികൃത സ്വത്തുക്കള്‍ സംബന്ധിച്ച് വിവരങ്ങള്‍ ക്രോഡീകരിക്കുകയാണെന്ന് ലോകായുക്ത അധികൃതര്‍ അറിയിച്ചു. ജനുവരി 31 ന് സംസ്ഥാനത്തെ നാല് ജില്ലകളിലായി ഏഴ് സ്ഥലങ്ങളില്‍ ലോകായുക്ത ഉദ്യോഗസ്ഥര്‍ റെയ്ഡ് നടത്തിയിരുന്നു. അനധികൃത സ്വത്ത് സമ്പാദിച്ചുവെന്ന സംശയത്തെ തുടര്‍ന്ന് സര്‍ക്കാര്‍ ഉദ്യോഗസ്ഥരുടെ വസതികളിലും സ്വത്തുക്കളിലും റെയ്ഡ് നടന്നു.
<BR>
TAGS : LOKAYUKTA RAID
SUMMARY : Lokayukta inspects homes of government officials in 32 places including Bengaluru
കാസറഗോഡ്: ദാതർ തിരുനൽവേലി എക്‌സ്പ്രസ് ട്രെയിനിൽ അബോധാവസ്ഥയിൽ കണ്ട 10 വയസുകാരി മരിച്ചു. തിരുനൽവേലി സ്വദേശി സ്റ്റെല്ലയുടെ മകൾ സാറയാണ്…
ബെയ്ജിങ്: എസ്‌സി‌ഒ (Shanghai Cooperation Organisation) ഉച്ചകോടിയിലേക്ക് പ്രധാനമന്ത്രി നരേന്ദ്ര മോദിയെ സ്വാഗതം ചെയ്ത് ചൈന. ഓഗസ്റ്റ് 31, സെപ്റ്റംബർ…
തിരുവനന്തപുരം: സംസ്ഥാനത്ത് ഷവർമ വിൽപന നടത്തുന്ന സ്ഥാപനങ്ങളിൽ ഭക്ഷ്യസുരക്ഷാ വകുപ്പ് പ്രത്യേക പരിശോധന നടത്തി. അഞ്ച്, ആറ് തീയതികളിലായി 59 സ്‌ക്വാഡുകൾ…
ബെംഗളൂരു: വോട്ടർ പട്ടിക ക്രമക്കേടിൽ തിരഞ്ഞെടുപ്പ് കമ്മീഷനെതിരെ രൂക്ഷവിമർശനവുമായി പ്രതിപക്ഷ നേതാവ് രാഹുൽ ഗാന്ധി. ബെംഗളൂരുവിൽ സംഘടിപ്പിച്ച ‘വോട്ട് അധികാർ…
ന്യൂഡല്‍ഹി: മധ്യവര്‍ഗത്തിന് എല്‍പിജി ഗ്യാസ് സിലിണ്ടര്‍ കുറഞ്ഞ വിലയില്‍ ലഭ്യമാക്കുന്നതിനായി, 30,000 കോടി രൂപയുടെ സബ്‌സിഡി. കേന്ദ്രമന്ത്രിസഭാ യോഗത്തിലാണ് ഇതേക്കുറിച്ച്‌…
തിരുവനന്തപുരം: അമ്പൂരിയില്‍ കെണിയില്‍നിന്ന് രക്ഷപ്പെട്ട പുലിയെ മയക്കുവെടിവച്ച്‌ പിടികൂടി. പന്നിക്കുവച്ച കെണിയില്‍ കുടുങ്ങിയ പുലി മയക്കുവെടിവയ്ക്കുന്നിതിനിടയില്‍ രക്ഷപ്പെടുകയായിരുന്നു. പിന്നാലെ വനംവകുപ്പ്…