ബെംഗളൂരു: കര്ണാടകയിലെ പുത്തൂരില് അനധികൃത കാലിക്കടത്ത് ആരോപിച്ച് മലയാളിയെ വെടിവെച്ചു. പോലീസാണ് മലയാളിയായ ലോറി ഡ്രൈവര്ക്കുനേരെ വെടിയുതിര്ത്തത്. കാസറഗോഡ് സ്വദേശി അബ്ദുള്ളയ്ക്കാണ് വെടിയേറ്റത്. കന്നുകാലികളെ കടത്തിയ ലോറി പോലീസ് തടഞ്ഞപ്പോള് നിര്ത്തിയില്ല.
തുടര്ന്ന് ലോറിയെ പിന്തുടര്ന്ന പോലീസ് വെടിയുതിര്ക്കുകയായിരുന്നു. ലോറി ഡ്രൈവറായ അബ്ദുള്ളയുടെ കാലിലാണ് വെടിയേറ്റത്. ഒരു വെടിയുണ്ട വാഹനത്തിലും തറച്ചു. പുത്തൂര് റൂറല് പോലീസാണ് വെടിയുതിര്ത്തത്. വെടിയേറ്റ അബ്ദുള്ളയെ മംഗളൂരുവിലെ ആശുപത്രിയില് പ്രവേശിപ്പിച്ചു.
ലോറിയില് ഒപ്പമുണ്ടായിരുന്നയാള് ഓടി രക്ഷപ്പെട്ടു. കേരള-കര്ണാടക അതിര്ത്തിയിലെ ഈശ്വരമംഗളയില് വെച്ചാണ് സംഭവം. സംഭവത്തില് അബ്ദുള്ളയ്ക്കും സഹായിക്കുമെതിരെ കാലിക്കടത്തിന് പോലീസ് കേസെടുത്തു. ബെള്ളാരി പോലീസ് സ്റ്റേഷനിലാണ് എഫ്ഐആര് രജിസ്റ്റര് ചെയ്തിരിക്കുന്നത്.
SUMMARY: Malayali shot dead in Karnataka for illegal cattle smuggling
