മാരക മയക്കുമരുന്നുമായി മലയാളി വിദ്യാർഥികൾ അറസ്റ്റിൽ

ബെംഗളൂരു: മാരക മയക്കുമരുന്നായ എൽ എസ് ഡി യുമായി മംഗളൂരുവിൽ രണ്ട് മലയാളി വിദ്യാർഥികൾ അറസ്റ്റിലായി. കോഴിക്കോട് തുറയൂർ സ്വദേശി ആദിൽ (23), കണ്ണൂർ വിളക്കോട് സ്വദേശി മുഹമ്മദ്‌  നിഹാൽ (23) എന്നിവരാണ്. ഇരുവരും മംഗളൂരു മുക്കയിലെ സ്വകാര്യ കോളേജിൽ പാരാമെഡിക്കൽ വിദ്യാർഥികളാണ്. മുൽക്കി പോലീസിന് ലഭിച്ച രഹസ്യവിവരത്തെ തുടർന്ന് കോപ്പാള പാലത്തിന് സമീപത്ത് വെച്ച് ഇരുവരും സഞ്ചരിച്ച കാർ തടഞ്ഞു നിർത്തി നടത്തിയ പരിശോധനയിൽ 78,000 രൂപ വിലമതിക്കുന്ന 26 എൽഎസ്ഡി സ്റ്റാമ്പുകൾ കണ്ടെത്തുകയായിരുന്നു.

മംഗളൂരുവിലെ കോളേജ് വിദ്യാർഥികളെ ലക്ഷ്യമിട്ടാണ് പ്രതികൾ മയക്കുമരുന്ന് എത്തിച്ചതെന്ന് പോലീസ് പറഞ്ഞു. ഇവർ സഞ്ചരിച്ച കാറും മൊബൈൽ ഫോണുകളും പോലീസ് പിടിച്ചെടുത്തിച്ചിട്ടുണ്ട്. അറസ്റ്റിലായ ഇരുവരെയും കോടതി ജുഡീഷ്യല്‍ കസ്റ്റഡിയില്‍ വിട്ടു.
<br>
TAGS : ARRESTED | DRUG CASES
SUMMARY : Malayali students arrested with deadly drugs