മന്ത്ര മലയാളി അസോസിയേഷന്‍ ഓണാഘോഷം

ബെംഗളൂരു: മന്ത്ര മലയാളി അസോസിയേഷന്റെ ആഭിമുഖ്യത്തിൽ അമൃത ഇന്റർനാഷണൽ വിദ്യാലയം സംഘടിപ്പിച്ച ‘ഓണാരവം 2025’ ഓണാഘോഷം കൊടത്തിയിലെ സി.ബി.ആർ. കൺവെൻഷൻ സെന്ററിൽ വിപുലമായി നടന്നു. അമൃത ഇൻ്റർനാഷനൽ സ്‌കൂള്‍ അഡ്മിനിസ്ട്രേഷൻ വിഭാഗം മേധാവി ഭരത് ഉദ്ഘാടനം ചെയ്തു‌. പ്രസിഡന്റ് സുധാകരൻ നായർ അധ്യക്ഷത വഹിച്ചു. മഞ്ജു‌ള ലിംബാവലി എംഎൽഎ മുഖ്യാതിഥിയായി. പ്രമോദ് കുമാർ നന്ദി പറഞ്ഞു.

പ്രധാന സ്പോൺസർമാരായ അമൃത ഇന്റർനാഷണൽ വിദ്യാലയം, മന പ്രോജക്റ്റ്സ്, നമ്പ്യാർ ബിൽഡേഴ്സ്, മ്യൂസിക്കൽ സർജാപുര എന്നിവരെ വേദിയിൽ ആദരിച്ചു. ചടങ്ങിൽ മന്ത്ര മലയാളി അസോസിയേഷൻ ലോഗോ പ്രകാശനത്തോടൊപ്പം ഫാമിലി മെമ്പർഷിപ് ഡ്രൈവിനും തുടക്കമിട്ടു.

നമ്പ്യാർ ബിൽഡേഴ്സ് എജിഎം മാർക്കറ്റിംഗ് മുഹമ്മദ് ഹാരിഷ് ഷെയ്ഖ്, മന പ്രോജക്റ്റ്സ് ഡിജിറ്റൽ മാർക്കറ്റിംഗ് ഹെഡ് സാഹിൽ, മ്യൂസിക്കൽ അക്കാദമി(സർജാപുര) എംഡി അംഗന ലക്ഷ്മി, പഴയിടം മോഹനൻ നമ്പൂതിരി എന്നിവർ അതിഥികളായിരുന്നു.

കുട്ടികളുടെയും മുതിർന്നവരുടെയും വിവിധ ഇനം കലാപരിപാടികളും മാവേലി വരവേല്പും ഓണാഘോഷത്തിന് നിറവും ഉത്സാഹവും പകർന്നു. പഴയിടം മോഹനൻ നമ്പൂതിരി ഒരുക്കിയ ഓണസദ്യയുമുണ്ടായിരുന്നു. ഗായിക മൃദുല വാര്യരും, ജയ്ദീപ് വാര്യരും സംഘവും അവതരിപ്പിച്ച മ്യൂസിക് നൈറ്റ് സംഗീത പരിപാടിയും അരങ്ങേറി.