ചെന്നൈ: തമിഴ് നടനും മക്കള് നീതി മയ്യം (എം.എൻ.എം) രാഷ്ട്രീയ പാർട്ടിയുടെ തലവനുമായ കമല് ഹാസൻ്റെ കന്നഡ ഭാഷയെക്കുറിച്ചുള്ള പരാമർശം കർണാടകയില് വൻ പ്രതിഷേധങ്ങള്ക്ക് വഴിവെച്ചു. തന്റെ പുതിയ ചിത്രമായ ‘തഗ് ലൈഫ്’ ഓഡിയോ ലോഞ്ചിനിടെ നടത്തിയ പരാമര്ശങ്ങള് കന്നഡ അനുകൂല ഗ്രൂപ്പുകളില് നിന്ന് കടുത്ത വിമര്ശനത്തിന് ഇടയാക്കി.
‘നിങ്ങളുടെ ഭാഷ (കന്നഡ) തമിഴില് നിന്ന് പിറന്നതാണ്’ എന്ന കമലിന്റെ നിലപാടിനെതിരെ കന്നഡ സംഘടനകളും കര്ണാടക ബിജെപി നേതാക്കളും രംഗത്തെത്തി. കമല് ഹാസനെതിരെ കന്നഡ അനുകൂല സംഘടനകള് ബെംഗളൂരുവില് തഗ് ലൈഫ് സിനിമയുടെ പോസ്റ്ററുകള് കീറിക്കൊണ്ട് പ്രതിഷേധിച്ചു.
കമല് ഹാസന് നടത്തിയത് നിലവാരമില്ലാത്ത പ്രതികരണമാണെന്ന് കര്ണാടക ബിജെപി അധ്യക്ഷന് വിജയെന്ദ്ര യെദ്യൂരപ്പ കുറ്റപ്പെടുത്തി. കമല് ഹാസന് കന്നഡയെ അപമാനിച്ചു. നടന് ശിവരാജ് കുമാറിനെ വേദിയിലിരുത്തി കന്നഡയെ അപമാനിച്ചത് അഹങ്കാരത്തിന്റെയും ധിക്കാരത്തിന്റെയും അങ്ങേയറ്റത്തെ ഉദാഹരണമാണ്. തമിഴ് ഭാഷയെ മഹത്വവത്കരിക്കാനായി കന്നഡയെ ഇകഴ്ത്തി സംസാരിച്ച കമല് കന്നഡിഗരോട് നിരുപാധികം മാപ്പ് പറയണമെന്നും അദ്ദേഹം ആവശ്യപ്പെട്ടു.
അതിനിടെ, കമല് ഹാസനെ തള്ളി കര്ണാടക മുഖ്യമന്ത്രി സിദ്ധരാമയ്യയും രംഗത്തെത്തി. കമല് ഹാസന് കന്നഡയുടെ ചരിത്രത്തെ കുറിച്ച് ബോധ്യമില്ലെന്ന് സിദ്ധരാമയ്യ കുറ്റപ്പെടുത്തി. ‘കന്നഡയ്ക്ക് വലിയ ചരിത്രമുണ്ട്, പാവം കമല് ഹാസന് അതറിയില്ലെന്ന് സിദ്ധരാമയ്യ പറഞ്ഞു. കമല് ഹാസന്റെ സിനിമ സംസ്ഥാനത്ത് നിരോധിക്കണമെന്ന് ആവശ്യപ്പെട്ട് വിവിധ കന്നഡ അനുകൂല സംഘടനകളും രംഗത്തെത്തി.
‘കന്നഡയ്ക്കും കന്നഡിഗര്ക്കുമെതിരെ സംസാരിച്ചാല് സിനിമ നിരോധിക്കേണ്ടി വരുമെന്ന് ഞങ്ങള് മുന്നറിയിപ്പ് നല്കുന്നു,’ എന്ന് കര്ണാടക രക്ഷണ വേദി നേതാവ് പ്രവീണ് ഷെട്ടി പ്രതികരിച്ചു. എന്റെ ജീവനും എന്റെ കുടുംബവും തമിഴ് ഭാഷയാണ്’ എന്നര്ഥം വരുന്ന ‘ഉയിരേ ഉറവേ തമിഴേ’ എന്ന വാക്കുകളോടെയാണ് ചെന്നൈയില് നടന്ന പരിപാടിയില് കമല് ഹാസന് പ്രസംഗം ആരംഭിച്ചത്.
വേദിയില് ഉണ്ടായിരുന്ന കന്നഡ നടന് ശിവരാജ് കുമാറിനെ അഭിസംബോധ ചെയ്തുകൊണ്ട് സംസാരിച്ച കമല് പിന്നാലെയായിരുന്നു കന്നഡ ഭാഷയെക്കുറിച്ച് പരാമര്ശം നടത്തിയത്. ‘എന്റെ കുടുംബമാണിത്. അതുകൊണ്ടാണ് അദ്ദേഹം (ശിവരാജ് കുമാര്) ഇവിടെ വന്നത്. അതുകൊണ്ടാണ് ഞാന് എന്റെ പ്രസംഗം ജീവന്, ബന്ധം, തമിഴ് എന്ന് പറഞ്ഞ് തുടങ്ങിയത്. നിങ്ങളുടെ ഭാഷ (കന്നഡ) തമിഴില് നിന്ന് പിറന്നതാണ്, അതിനാല് നിങ്ങളും ഇതില് ഉള്പ്പെടുന്നു.’- എന്നായിരുന്നു കമല് ഹാസന്റെ പരാമര്ശം.
TAGS : KAMAL HASSAN
SUMMARY : ‘Kannada originated from Tamil’; Massive protest after Kamal Haasan’s statement
കല്പറ്റ: ജനവാസ മേഖലയില് കടുവയുടെ സാന്നിധ്യം സ്ഥിരീകരിച്ചതിനെ തുടര്ന്നു വയനാട്ടിലെ രണ്ട് പഞ്ചായത്തുകളിലെ വാര്ഡുകളില് ചൊവ്വാഴ്ച വിദ്യാഭ്യാസ സ്ഥാപനങ്ങള്ക്ക് അവധി…
ശ്രീനഗര്: വിനോദസഞ്ചാരികളുള്പ്പടെ 26 പേരുടെ ജീവനെടുത്ത പഹല്ഗാം ഭീകരാക്രമണത്തില് എട്ടു മാസത്തിന് ശേഷം ദേശീയ അന്വേഷണ ഏജന്സി, പ്രത്യേക എൻഐഎ…
ബെംഗളൂരു: ബിന്ദു സജീവിന്റെ കവിതാസമാഹാരം 'ഇരപഠിത്തം' ഇന്ദിരാനഗർ ഇസിഎ ഹാളിൽ നടന്ന ചടങ്ങിൽ കവി പി എൻ ഗോപീകൃഷ്ണൻ കവി…
ന്യൂഡല്ഹി: ഡൽഹിയില് വായുമലിനീകരണം രൂക്ഷം. നഴ്സറി മുതൽ അഞ്ച് വരെ ക്ലാസുകൾ ഓൺലൈൻ ആക്കി. ആരോഗ്യപരമായ ആശങ്കകൾ കണക്കിലെടുത്താണ് തീരുമാനമെന്ന്…
കൊല്ലം: ശബരിമല തീർത്ഥാടകർ സഞ്ചരിച്ച കാറും കെഎസ്ആർടിസി സൂപ്പർ ഫാസ്റ്റ് ബസും കൂട്ടിയിടിച്ച് രണ്ട് പേർ മരിച്ചു. കൊല്ലം ജില്ലയിലെ…
പാലക്കാട്: പാലക്കാട് ജില്ലയിൽ ആഫ്രിക്കൻ പന്നിപ്പനി സ്ഥിരീകരിച്ചു. തിരുമിറ്റക്കോട് ഗ്രാമപഞ്ചായത്തിലെ 12-ാം വാർഡായ ചാഴിയാട്ടിരിയിലാണ് ആഫ്രിക്കൻ പന്നിപ്പനി സ്ഥിരീകരിച്ചത്. തിരുമിറ്റക്കോട്…