ബെംഗളൂരു: കാണാതായ വ്യവസായിയെ മരിച്ച നിലയിൽ കണ്ടെത്തി. കോപ്പാൾ വിദ്യാനഗർ സ്വദേശി അർജുൻ എസ്. കത്വയാണ് (62) മരിച്ചത്. ചൊവ്വാഴ്ച വൈകീട്ടാണ് അർജുനെ കാണാതായത്. തുടർന്ന് ബന്ധുക്കൾ നൽകിയ പരാതിയിൽ പോലീസ് തിരച്ചിൽ ആരംഭിച്ചു.
ബുധനാഴ്ച രാവിലെ ഹുലികെരെ തടാകത്തിൽ നിന്നാണ് വ്യവസായിയുടെ മൃതദേഹം കണ്ടെടുത്തത്. വലിയ സാമ്പത്തിക ബാധ്യത അദ്ദേഹത്തിന് ഉണ്ടായിരുന്നതായി ബന്ധുക്കൾ പോലീസിനോട് പറഞ്ഞു. ആത്മഹത്യയാണെന്നാണ് പ്രാഥമിക നിഗമനം. തടാകത്തിന്റെ സമീപത്തായി അദ്ദേഹത്തിന്റെ കാറും കണ്ടെത്തിയിട്ടുണ്ട്. സംഭവത്തിൽ കോപ്പാൾ ടൗൺ പോലീസ് കേസെടുത്തു.
TAGS: KARNATAKA | DEATH
SUMMARY: Missing businessman found dead in Koppal lake
