മുഖ്യമന്ത്രിയുടെ വാഹനവ്യൂഹത്തെ തടസപ്പെടുത്തി; എംഎൽഎ ജനാർദന റെഡ്ഢിയുടെ കാറുകൾ പിടിച്ചെടുത്തു

ബെംഗളൂരു: മുഖ്യമന്ത്രി സിദ്ധരാമയ്യയുടെ വാഹനവ്യൂഹം തടസപ്പെടുത്തിയ സംഭവത്തിൽ എംഎൽഎ ജനാർദന റെഡ്ഢിയുടെ ആഡംബര കാറുകൾ പിടിച്ചെടുത്തു. കോപ്പാളിലാണ് സംഭവം. മുഖ്യമന്ത്രിയുടെ വാഹനവ്യൂഹത്തിന് കടന്നുപോകാൻ പോലീസ് റോഡ് ഗതാഗതം നിയന്ത്രിച്ചിരുന്നു. ഇതിനിടെ എംഎൽഎയുടെ കാർ റോഡ് ഡിവൈഡർ മുറിച്ച് അതിവേഗം കടന്നുപോകുകയായിരുന്നു. ഈ സമയം എംഎൽഎയുടെ കാർ വാഹനവ്യൂഹത്തിൽ ഇടിച്ചിരുന്നെങ്കിൽ വൻ അപകടമുണ്ടാകുമായിരുന്നെന്ന് പോലീസ് പറഞ്ഞു.

അതേസമയം മുഖ്യമന്ത്രിയുടെ വാഹനവ്യൂഹം കടന്നുപോകാൻ താൻ അരമണിക്കൂറോളം കാത്തിരുന്നുവെന്ന് റെഡ്ഡി പറഞ്ഞു. ക്ഷമ നശിച്ചതോടെയാണ് കാറുകൾ അതിവേഗം ഈ റൂട്ടിലൂടെ ഓടിച്ചതെന്ന് അദ്ദേഹം പറഞ്ഞു. ജനപ്രതിനിധികൾ പൊതുജനങ്ങൾക്ക് താടാസമുണ്ടാക്കരുതെന്നും, അങ്ങനെ ഉണ്ടായാൽ താൻ പ്രതികരിക്കുമെന്നും അദ്ദേഹം പറഞ്ഞു. പോലീസ് പിടിച്ചെടുത്ത കാറുകൾ നിയമപരമായി തിരിച്ചുവാങ്ങുമെന്നും അദ്ദേഹം വ്യക്തമാക്കി.

TAGS: KARNATAKA | SIDDARAMIAH
SUMMARY: Karnataka CM’s security breach, Police seize MLA Janardhana Reddy’s cars