ബെംഗളൂരു: ബെംഗളൂരു ചിന്നസ്വാമി സ്റ്റേഡിയത്തിൽ ഗുരുതരമായ സുരക്ഷാ വീഴ്ച. റോയൽ ചലഞ്ചേഴ്സ് ബെംഗളൂരുവും ഗുജറാത്ത് ടൈറ്റൻസും തമ്മിൽ നടന്ന മത്സരത്തിനിടെ സ്റ്റേഡിയത്തിലെ 240-ലധികം സിസിടിവി കാമറകൾ പ്രവർത്തനരഹിതമാക്കി. സുരക്ഷാ സംവിധാനങ്ങൾ ഒരുക്കാൻ കരാറെടുത്ത കമ്പനിയിലെ ജീവനക്കാർ തന്നെയാണ് ഈ അട്ടിമറിക്ക് പിന്നിലെന്ന് പോലീസ് കണ്ടെത്തി. സംഭവത്തിൽ രണ്ട് പേർ പിടിയിലായി. സ്റ്റേഡിയത്തില് നിരീക്ഷണ സേവനങ്ങള് ചെയ്യാന് കരാറെടുത്ത ഐവിഎസ് ഡിജിറ്റല് സൊലൂഷന്സ് സ്ഥാപനത്തിന്റെ സബ് കോണ്ട്രാക്റ്റര്ക്കു കീഴില് ജോലിക്കാരായ ചിത്രദുർഗ സ്വദേശി മഞ്ജുനാഥ് (37), ഉത്തർപ്രദേശ് സ്വദേശി അബ്ദുൽ കലാം (19) എന്നിവരാണ് പിടിയിലായത്. ഇരുവരും അനുമതിയില്ലാതെ അതീവ സുരക്ഷ മേഖലയായ സിസിടിവി കണ്ട്രോള് റൂമില് കയറി ഇരുവരും ഉപകരണങ്ങള് നശിപ്പിച്ചതായാണ് പരാതി. ഇവര്ക്കെതിരെ കബ്ബണ് പാര്ക്ക് പോലീസ് വിഷയത്തില് എഫ്ഐആറും രജിസ്റ്റര് ചെയ്തിട്ടുണ്ട്.
റോയല് ചലഞ്ചേഴ്സ് ബംഗളൂരു ടീമിന്റെ ഹോം മൈതാനമായ ചിന്നസ്വാമിയില് ഏപ്രില് 24നു അരങ്ങേറിയ ആര്സിബി- ഗുജറാത്ത് ടൈറ്റന്സ് മത്സരത്തിനു തൊട്ടുമുന്പാണ് പോലീസിനു പരാതി കിട്ടിയത്. സ്റ്റേഡിയത്തിലെ 240 സിസിടിവി ക്യാമറകളും തകര്ത്തതായി നിരീക്ഷണ മേല്നോട്ടങ്ങളുടെ ചുമതലയുള്ള സംഘമാണ് പോലീസില് പരാതി നല്കിയത്. മത്സരത്തിനു മുന്നോടിയായി നടത്തിയ പരിശോധനയിലാണ് ഞെട്ടിക്കുന്ന സംഭവം ശ്രദ്ധയില്പ്പെട്ടത്. പ്രവേശന കവാടം മുതലുള്ള കാമറകളാണ് തകര്ത്ത നിലയില് കണ്ടെത്തിയത്. പെരിമീറ്റര് സോണുകള്, ഡി കോര്പ്പറേറ്റ് സ്റ്റാന്ഡ്, കോണ്കോഴ്സുകള് എന്നിവിടങ്ങളിലെല്ലാം കാമറകള് തകര്ത്ത നിലയിലായിരുന്നു.
ജീവനക്കാര്ക്ക് കരാര് കമ്പനിയോടുള്ള വൈരാഗ്യമാണ് അതിക്രമത്തിനു പിന്നിലെന്നും ഉപകരണങ്ങള് നശിപ്പിച്ചതിനു പിന്നില് ഇരുവരുമാണെന്നു തെളിഞ്ഞതായും പോലീസ് പറയുന്നു. പല തവണ ആവശ്യപ്പെട്ടിട്ടും ജോലി ചെയ്തതിന്റെ പണം നല്കാന് കമ്പനി അധികൃതര് തയ്യാറാകാത്തതിനാലാണ് ഉപകരണങ്ങള് നശിപ്പിച്ചതെന്നു പ്രതികള് മൊഴി നല്കിയെന്നും പോലീസ് കൂട്ടിച്ചേര്ത്തു.
SUMMARY: More than 240 CCTV cameras at Chinnaswamy Stadium damaged, two arrested
ബെംഗളൂരു: കനക്പുരയിൽ കാട്ടാനയുടെ ആക്രമണത്തിൽ കർഷകന് ദാരുണാന്ത്യം ഉയ്യമ്പള്ളി ഹോബ്ലി സ്വദേശി ശിവു (53) ആണ് കൊല്ലപ്പെട്ടത്. തോട്ടത്തില് ജോലികഴിഞ്ഞ് വീട്ടിലേക്ക്…
ബെംഗളൂരു: മേയ് ദിന അവധിയോടനുബന്ധിച്ചുള്ള യാത്രാ തിരക്ക് പരിഗണിച്ച് കേരളത്തിലേക്കടക്കം കൂടുതല് സ്പെഷൽ സര്വീസുകള് ഏര്പ്പെടുത്തി കർണാടക ആർടിസി. ബെംഗളൂരുവിൽ…
തിരുവനന്തപുരം: കണ്ണൂര് അഞ്ചരക്കണ്ടി ദന്തല് കോളേജ് വിദ്യാര്ത്ഥി നിതിന് രാജിന്റെ മരണത്തില് നിതിന് രാജ് ആക്ഷന് കൗണ്സിലും വിവിധ ദളിത്-ആദിവാസി…
ബെംഗളൂരു: എസ്.എസ്.എൽ.സി. പരീക്ഷയിൽ സംസ്ഥാന തലത്തിൽ ആറാം റാങ്ക് നേടിയ അയ്യപ്പ എജുക്കേഷണൽ സെന്ററിലെ അങ്കിതയെ സമന്വയ എജുക്കേഷൻ ആൻഡ്…
ന്യൂഡൽഹി: ഐപിഎല്ലില് അരുൺ ജെയ്റ്റ്ലി സ്റ്റേഡിയത്തിൽ നടന്ന മത്സരത്തിൽ ആതിഥേയരായ ഡൽഹി ക്യാപിറ്റൽസിനെ ഒമ്പത് വിക്കറ്റിന് നിലവിലെ ചാമ്പ്യന്മാരായ റോയൽ…
തിരുവനന്തപുരം: സംസ്ഥാന മൃഗസംരക്ഷണ ക്ഷീരവികസന വകുപ്പ് മന്ത്രി ജെ. ചിഞ്ചുറാണി സഞ്ചരിച്ച വാഹനം അപകടത്തിൽപ്പെട്ടു. തിരുവനന്തപുരം കല്ലമ്പലത്തിന് സമീപം വെയിലൂരിൽ…