ബെംഗളൂരു: ഇലക്ട്രോണിക് സിറ്റിയിലേക്കുള്ള നമ്മ മെട്രോ ആർവി റോഡ്-ബൊമ്മസന്ദ്ര യെലോ ലൈൻ ഓഗസ്റ്റ് 10ന് പ്രധാനമന്ത്രി നരേന്ദ്രമോദി ഉദ്ഘാടനം ചെയ്യും. കേന്ദ്രഭവന നഗരകാര്യ മന്ത്രി മനോഹർ ലാൽ ഖട്ടറുടെ ഓഫിസാണ് ഇക്കാര്യം അറിയിച്ചത്. ആദ്യ ഘട്ടത്തിൽ 3 ട്രെയിനുകൾ 25 മിനിറ്റ് ഇടവേളയിൽ സർവീസ് നടത്തും. 19.15 കിലോമീറ്റർ പാതയിലെ 16 സ്റ്റേഷനുകളിലും സർവീസുണ്ടാകും. നമ്മ മെട്രോയിൽ ഡ്രൈവറില്ലാ ട്രെയിനുകൾ സർവീസ് നടത്തുന്ന ആദ്യത്തെ പാതയാണ് യെലോ ലൈൻ.
നഗരവാസികളുടെ ഏറെ കാലത്തെ കാത്തിരിപ്പിനൊടുവിലാണ് നമ്മ മെട്രോ ഇലക്ട്രോണിക് സിറ്റിയിലേക്കെത്തുന്നത്. ട്രാക്കിന്റെയും സ്റ്റേഷനുകളുടെ നിർമാണം പൂർത്തിയായ പാതയിൽ ഡ്രൈവറില്ലാ ട്രെയിനുകൾ എത്താൻ വൈകിയതാണു സർവീസ് തുടങ്ങാൻ കാലതാമസത്തിനു ഇടയാക്കിയത്.
പാതയിലെ സ്റ്റേഷനുകൾ
ആർവി റോഡ്, റാഗിഗുഡ്ഡ, ജയദേവ ഹോസ്പിറ്റൽ, ബിടിഎം ലേഔട്ട്, സെൻട്രൽ സിൽക്ക് ബോർഡ്, ബൊമ്മനഹള്ളി, ഹൊങ്ങസന്ദ്ര, കുട്ലു ഗേറ്റ്, സിങ്ങസന്ദ്ര, ഹൊസ റോഡ്, ബെരടന അഗ്രഹാര, ഇലക്ട്രോണിക് സിറ്റി, കോനപ്പന അഗ്രഹാര, ഹുസ്കൂർ റോഡ്, ഹെബ്ബഗോഡി, ബൊമ്മസന്ദ്ര.
മൂന്നാം ഘട്ട നിർമാണത്തിനു തുടക്കം
യെലോ ലൈനിന്റെ ഉദ്ഘാടന ദിവസം നമ്മ മെട്രോ മൂന്നാം ഘട്ടത്തിലെ 44.65 കിലോമീറ്റർ പാതയുടെ നിർമാണത്തിനുള്ള ശിലാസ്ഥാപനവും പ്രധാനമന്ത്രി നിർവഹിക്കും. ജെപി നഗർ ഫോർത്ത് ഫേസ് മുതൽ കെംപാപുര വരെ 32.1 കിലോമീറ്ററും ഹൊസഹള്ളി മുതൽ കഡബഗെരെ വരെ 12.5 കിലോമീറ്ററുമാണ് മൂന്നാം ഘട്ടത്തിൽ ഉൾപ്പെടുന്നത്.
SUMMARY: Namma Metro Yellow Line to be inaugurated by PM Modi on August 10.
കോഴിക്കോട്: കൊടുവള്ളി എംഎല്‍എ എം കെ മുനീറിന്‍റെ ആരോഗ്യനിലയില്‍ പുരോഗതി. നിലവില്‍ വെന്‍റിലേറ്റര്‍ സഹായമില്ലാതെയാണ് തുടരുന്നത്. മരുന്നുകളോട് നല്ല രീതിയില്‍…
കൊച്ചി: ദീർഘ ദൂര യാത്രക്കാർക്കും, ഉപയോഗക്താക്കള്‍ക്കും 24 മണിക്കൂറും ടോയ്‌ലറ്റ് സൗകര്യം ലഭ്യമാക്കണമെന്ന് ഹൈക്കോടതി ഉത്തരവ്. പെട്രോള്‍ പമ്പുകളിലെ ടോയ്‌ലറ്റ്…
തിരുവനന്തപുരം: മണ്ണാർമലയിലെ പുലിയെ വെടിവെയ്ക്കാൻ ഉത്തരവ് നല്‍കി. മന്ത്രി എ കെ ശശീന്ദ്രനാണ് ഉത്തരവ് നല്‍കിയത്. ആർആർടികളെ നിയോഗിച്ച്‌ പെട്രോളിംഗ്…
ഡല്‍ഹി: കോണ്‍ഗ്രസ് നേതാവും ലോക്‌സഭയിലെ പ്രതിപക്ഷ നേതാവുമായ രാഹുല്‍ ഗാന്ധി വീണ്ടും വോട്ട് മോഷണം ആരോപിച്ച്‌ രംഗത്ത്. കര്‍ണാടകയിലെ ആലന്ദ്…
കൊച്ചി: എഴുത്തുകാരി അരുന്ധതി റോയിയുടെ പുതിയ പുസ്തകത്തിലെ കവര്‍പേജിനെതിരെ ഹൈക്കോടതിയില്‍ ഹര്‍ജി. കവര്‍പേജിലെ പുകവലി ചിത്രത്തിനൊപ്പം ജാഗ്രതാ നിര്‍ദ്ദേശം നല്‍കാത്തത്…
പറ്റ്ന: ബിഹാർ നിയമസഭ തിരെഞ്ഞടുപ്പ് അടുത്തിരിക്കെ വമ്പൻ പദ്ധതികളുടെ പ്രഖ്യാപനം തുടർന്ന് ജെഡിയു സർക്കാർ. സംസ്ഥാനത്തെ യുവ വോട്ടര്‍മാരെ ലക്ഷ്യമിട്ടാണ്…