പണിമുടക്കിന്റെ ഭാഗമായി ബെംഗളൂരുവിലെ ടൗൺ ഹാളിന് മുന്നില് പ്രകടനം നടത്തിയ തൊഴിലാളികളെ അറസ്റ്റ് ചെയ്ത് നീക്കുന്നു
ബെംഗളൂരു: കേന്ദ്ര സർക്കാർ ‘തൊഴിലാളി വിരുദ്ധവും കർഷക വിരുദ്ധവും രാജ്യ വിരുദ്ധവുമായ കോർപ്പറേറ്റ് അനുകൂല നയങ്ങൾ നടപ്പിലാക്കുന്നുവെന്ന് ആരോപിച്ച് വിവിധ തൊഴിലാളി യൂണിയനുകൾ രാജ്യവ്യാപകമായി ആഹ്വാനം ചെയ്ത 24 മണിക്കൂർ പണിമുടക്ക് ബെംഗളൂരുവില് കാര്യമായ ചലനമുണ്ടാക്കിയില്ല. പണിമുടക്ക് നടന്ന വ്യാഴാഴ്ച നഗരത്തിലെ ജനജീവിതം സാധാരണനിലയിലായിരുന്നു. ബിഎംടിസി ബസുകള്, മെട്രോ, ഓണ്ലൈന് ടാക്സി സേവനങ്ങള് എന്നിവ പതിവ്പോലെ പ്രവര്ത്തിച്ചു. സ്കൂളുകള്, കോളേജുകള്, കടകള്, മറ്റ് വ്യാപാര സ്ഥാപനങ്ങള് എന്നിവയും തുറന്നു പ്രവര്ത്തിച്ചു. ബെംഗളൂരുവിലെ പ്രധാന റോഡുകളിലെല്ലാം പതിവുപോലെ വാഹനത്തിരക്കായിരുന്നു. ബെംഗളൂരുവിന് പുറമേ ചെന്നൈ, ഹൈദാരാബാദ് തുടങ്ങിയ നഗരങ്ങളിലും ഇതേ സ്ഥിതിയായിരുന്നു.
അതേസമയം പണിമുടക്കിന്റെ ഭാഗമായി ബെംഗളൂരുവിലെ ടൗൺ ഹാളിന് മുന്നില് നടന്ന പ്രകടനത്തില് ആയിരക്കണക്കിന് തൊഴിലാളികളും ട്രേഡ് യൂണിയൻ പ്രവർത്തകരും പങ്കെടുത്തു. രാവിലെ മുതൽ, ഫാക്ടറി ജീവനക്കാർ, പൊതുമേഖലാ ജീവനക്കാർ, അസംഘടിത തൊഴിലാളികള് എന്നിങ്ങനെ വിവിധ മേഖലകളില് നിന്നുള്ളവര് പ്രകടനത്തിനായി എത്തിയിരുന്നു.
ലേബർ കോഡുകൾ പിൻവലിക്കൽ, എംജിഎൻആർഇജിഎ ശക്തിപ്പെടുത്തൽ, മെച്ചപ്പെട്ട വേതനം, സാമൂഹിക സുരക്ഷാ പരിരക്ഷകൾ വിപുലീകരിക്കൽ എന്നിവയായിരുന്നു പ്രധാന ആവശ്യങ്ങൾ. തൊഴിലാളികളെ പിന്നീട് പോലീസ് അറസ്റ്റ് ചെയ്തു നീക്കി. ഐടി/ഐടിഇഎസ് എംപ്ലോയീസ് യൂണിയൻ (കെഐടിയു) ജനറൽ സെക്രട്ടറി സുഹാസ് അഡിഗ ഉൾപ്പെടെയുള്ളവരെയാണ് അറസ്റ്റ് ചെയ്തത്. കെഐടിയുവിലെയും വിവിധ കേന്ദ്ര ട്രേഡ് യൂണിയനുകളിലെയും മറ്റ് നേതാക്കളും പ്രവർത്തകരേയും പോലീസ് അറസ്റ്റ് ചെയ്ത് നീക്കി.
SUMMARY: National strike; life in Bengaluru was normal
കൊച്ചി: ഉദ്യോഗസ്ഥർക്ക് പോസ്റ്റല് ബാലറ്റ് കിട്ടിയില്ലെന്ന പരാതിയില് തിരഞ്ഞെടുപ്പ് കമ്മിഷനോട് വിശദീകരണം തേടി ഹൈക്കോടതി. കുറ്റ്യാടി സ്വദേശി മുഹമ്മദ് സിനാൻ…
തിരുവനന്തപുരം: ഉയര്ന്ന ചൂടിനെ തുടര്ന്ന് ആശുപത്രികളില് ഹീറ്റ് സ്ട്രോക്ക് ക്ലിനിക്കുകള് ആരംഭിച്ചു. ചൂട് മൂലമുണ്ടാകുന്ന ആരോഗ്യ പ്രശ്നങ്ങള് നേരിടുന്നതിന് ആണ്…
ബെംഗളൂരു: വി ആർ ഹർഷന് രചിച്ച നർമ്മരസായനം, ഹാസ്യ ഹർഷം എന്നീ പുസ്തകങ്ങളുടെ പ്രകാശനം ഏപ്രിൽ 26ന് ഞായറാഴ്ച വൈകിട്ട്…
കണ്ണൂർ: കണ്ണൂർ അഞ്ചരക്കണ്ടിയില് ബിഡിഎസ് ഒന്നാം വർഷ വിദ്യാർഥി നിതിൻ രാജ് ആത്മഹത്യ ചെയ്ത സംഭവത്തില് പ്രതികളായ ഡോ. റാമും…
പാലക്കാട്: ലൈംഗികാതിക്രമ പരാതിയില് പാലക്കാട് നഗരസഭ കൗണ്സിലർ പ്രശോഭ സി വത്സന്റെ മുൻകൂർ ജാമ്യാപേക്ഷ തള്ളി. ജോലി വാഗ്ദാനം ചെയ്ത്…
തിരുവനന്തപുരം: സംസ്ഥാനത്ത് സ്വർണവിലയില് ഇടിവ്. പവന് 1000 രൂപ താഴ്ന്ന് 1,13,080 രൂപയിലെത്തി. ഗ്രാമിന് 125 രൂപ കുറഞ്ഞ് 14,135…