നേപ്പാള്‍ പ്രധാനമന്ത്രി കെ പി ശര്‍മ്മ ഒലി രാജി വെച്ചു

കാഠ്മണ്ഡു: നേപ്പാള്‍ പ്രധാനമന്ത്രി കെ പി ശർമ്മ ഒലി രാജി വെച്ചു. സോഷ്യല്‍ മീഡിയ നിരോധനത്തിനെതിരെ തലസ്ഥാനമായ കാഠ്മണ്ഡുവില്‍ നടന്ന അക്രമാസക്തമായ പ്രതിഷേധങ്ങളാണ് അദ്ദേഹത്തിന്റെ രാജിക്ക് വഴിയൊരുക്കിയത്. ആയിരക്കണക്കിന് പ്രതിഷേധകരാണ് പാർലമെന്റ് അക്രമിക്കുകയും, മുതിർന്ന നേതാക്കളുടെ വീടുകള്‍ കത്തിക്കുകയും ചെയ്തത്.

കെ പി ഒലിയെ സുരക്ഷിത കേന്ദ്രത്തിലേക്ക് മാറ്റും. രാജ്യത്തെ നിയന്ത്രണം സൈന്യം ഏറ്റെടുത്തു. അഴിമതി ആരോപണത്തെയും വിവാദമായ സോഷ്യല്‍ മീഡിയ നിരോധനത്താലും ഉണ്ടായ രോഷമാണ് അക്രമാസക്തമായ പ്രക്ഷോഭത്തില്‍ കലാശിച്ചത്. സ്ഥിതിഗതികള്‍ ചർച്ച ചെയ്യുന്നതിനും പ്രതിഷേധക്കാരുടെ ആവശ്യങ്ങള്‍ ഉന്നയിക്കുന്നതിനുമായി കെ പി ഒലി സർവകക്ഷി യോഗം വിളിച്ചിരുന്നു.

പക്ഷെ പ്രതിഷേധം അക്രമാസക്തമായ സാഹചര്യത്തില്‍ പ്രധാനമന്ത്രി രാജിവച്ചു. പ്രതിഷേധത്തിനിടെ പൌരൻമാരുടെ ജീവൻ നഷ്ടപ്പെട്ടതിനെത്തുടർന്ന് ഭരണ സഖ്യത്തില്‍ ഭിന്നതകള്‍ ഉണ്ടാവുകയും, നാല് മന്ത്രിമാർ രാജിവയ്ക്കുകയും ചെയ്തു.

SUMMARY: Nepal Prime Minister KP Sharma Oli resigns